തലശ്ശേരി: സിപിഎം സംഘം വെട്ടിക്കൊലപ്പെടുത്തിയ പിണറായിയിലെ ആര്എസ്എസ് പ്രവര്ത്തകന് രമിത്തിന്റെ കുടുബത്തിനുള്ള സഹായനിധി ആര്എസ്എസ് വിഭാഗ് സംഘചാലക് സി.ചന്ദ്രശേഖരന് രമിത്തിന്റെ വീട്ടിലെത്തി മാതാവിന് കൈമാറി. ആര്എസ്എസ് സഹപ്രാന്തീയ സമ്പര്ക്ക പ്രമുഖ് പി.പി.സുരേഷ് ബാബു, ജില്ലാ സംഘചാലക് സി.പി.രാമചന്ദ്രന്, ജില്ലാ കാര്യവാഹ് കെ.്രപമോദ്, കെ.ബാനിഷ്, എം.കെ.പ്രദീപന് എന്നിവരും ഒപ്പമുണ്ടായിരുന്നു.
കിളിയങ്ങാട് സനാതനധര്മ്മവും നക്ഷത്ര വൃക്ഷപൂജയും
മട്ടന്നൂര്: മേറ്റടി കിളിയങ്ങാട് ഈയ്യാട്ട് ശ്രീ മഹാവിഷ്ണുക്ഷേത്ര സമിതിയുടേയും ക്ഷേത്ര മാതൃസമിതിയുടേയും ആഭിമുഖ്യത്തില് സനാതനധര്മ്മവും ഭഗവദ്ഗീതാ പഠനവും എന്ന വിഷയത്തില് ക്ലാസ്സും നക്ഷത്ര വൃക്ഷപൂജയും നക്ഷത്രവൃക്ഷം നടലും സംഘടിപ്പിച്ചു. കെ രാധാകൃഷ്ണന് നമ്പൂതിരി അധ്യക്ഷത വഹിച്ചു. കെ.രാധ ടീച്ചര്, മാധവന് മാസ്റ്റര് കൂടാളി, ശങ്കരന് മാസ്റ്റര് പുന്നാട്, കെ.പി.രാഹുല് എന്നിവര് സംസാരിച്ചു. ഈശ്വര ഭക്തി, അച്ചടക്കം, മഹത്വപൂര്ണ്ണമായ സംസ്കാരം, ഗീതാ പഠനം എന്നീ വിഷയങ്ങളില് പ്രമുഖര് ക്ലാസെടുത്തു.
നക്ഷത്ര വൃക്ഷം നടല് പി.പി.ഓമനഅമ്മ ഉദ്ഘാടനം ചെയ്തു. കെ.രാധാകൃഷ്ണന് നമ്പൂതിരി അധ്യക്ഷത വഹിച്ചു. ഇടക്കഴിപ്പുറം ശ്രീരാമന് നമ്പൂതിരി നക്ഷത്ര വൃക്ഷങ്ങളുടെ പ്രത്യേകതകളെക്കുറിച്ച് പ്രഭാഷണം നടത്തി. എ.ഇ. സജു സംസാരിച്ചു. അഖില കേരള തന്ത്രി സമാജത്തിന്റെ സഹകരണത്തോടെ വൈദികവിധി പ്രകാരമുള്ള പരിസ്ഥിതി സംരക്ഷണം എന്ന ആശയവുമായി ഗ്രാമത്തെ ഹരിതാഭ ദേശമായി നിലനിര്ത്തുക എന്ന ലക്ഷ്യത്തോടെയാണ് ഈയ്യാട്ട് മഹാവിഷ്ണു ക്ഷേത്രത്തില് ചടങ്ങ് നടത്തിയത്. അശ്വതി മുതല് രേവതി വരെയുള്ള 27 നക്ഷത്രങ്ങളിലുള്ള വൃക്ഷമാണ് ക്ഷേത്ര പരിസരത്ത് നട്ടത്. ഓരോ നക്ഷത്രങ്ങളുടെയും പ്രത്യേകത, ഇത്തരം നക്ഷത്രങ്ങളും നക്ഷത്രത്തിന്റെ വൃക്ഷം, മൃഗം, പക്ഷി എന്നിവ മനസ്സിലാക്കുവാനും പരിപാലിക്കുവാനും ഉതകുന്ന തരത്തിലായിരുന്നു ക്ഷേത്രത്തിലെ ചടങ്ങുകള് നടന്നത്. കിളിയങ്ങാട് പ്രദേശത്ത് ഏറെ ചൈതന്യമുള്ള ക്ഷേത്രങ്ങളില് ഒന്നാണിത്.
