കണ്ണൂര്: പയ്യന്നൂര് കോറോം നെല്യാട്ട് കോളനിയില് ദളിത് കുടുംബത്തിന് വീട് വെച്ചുകൊടുക്കാനത്തെിയ സംഘത്തെയും ദളിത് കുടുംബത്തേയും അക്രമിച്ച സിപിഎം സംഘത്തിനെതിരെ നടപടിയെടുക്കണമെന്നാവശ്യപ്പെട്ട് കണ്ണൂര് ജില്ലാ കലക്ടര്ക്കും എസ്പിക്കും പരാതി നല്കിയതായി ദളിത് കുടുംബം പത്രസമ്മേളനത്തില് പറഞ്ഞു. കഴിഞ്ഞ ഒക്ടോബര് 2ന് കോളനിയിലെ ലീഷ്മക്ക് വീട് വെച്ചുകൊടുക്കുന്നതിനെക്കുറിച്ച് സംസാരിക്കാനത്തെിയ അക്ഷയശ്രീ പ്രവര്ത്തകരെയും ലീഷ്മയേയും ഒരു സംഘം സിപിഎം പ്രവര്ത്തകര് അക്രമിക്കുകയായിരുന്നു. എന്നാല് സംഭവത്തില് പ്രതികള്ക്കെതിരെ പെരിങ്ങോം പോലീസില് പരാതി നല്കിയിട്ടും നടപടിയെടുത്തില്ലെന്നും അതിനാലാണ് ജില്ലാ കലക്ടര്ക്കും എസ്പിക്കും പരാതി നല്കിയതെന്നും അക്രമത്തിനിരയായ ദളിത് കുടുംബത്തില്പ്പെട്ട ലീഷ്മ വാര്ത്താ സമ്മേളനത്തില് പറഞ്ഞു. കോളനിയില് 13 വയസുള്ള മകളോടും 14 വയസുള്ള മകനോടുമൊപ്പം താമസിക്കുന്ന ലീഷ്മക്ക് വീടുവെച്ചുകൊടുക്കുന്നതിനെക്കുറിച്ച് സംസാരിക്കാനാണ് സന്നദ്ധ സംഘടനയായ അക്ഷരശ്രീയുടെ പ്രവര്ത്തകര് ലീഷ്മയുടെ വീട്ടിലത്തെിയത്. ഇതിനിടെ ഒരു സംഘം ഡിവൈഎഫ്ഐ ബാനറുമായി ഞങ്ങള് അറിയാതെ ഇവിടെ ഒന്നും നടക്കരുത് എന്നാക്രോശിച്ച് ഇരച്ചുകയറുകയായിരുന്നത്രേ. ഇതോടെ ഉന്തും തള്ളുമായി. പെരിങ്ങോം പോലീസ് സംഭവസ്ഥലത്തത്തെി ഇടപെട്ടെങ്കിലും ഇവരും തങ്ങളെ മര്ദിക്കുകയായിരുന്നുവെന്നും ഇവര് പറഞ്ഞു. വിഷയത്തില് പരാതി കൊടുത്തിട്ടും നടപടി ഉണ്ടായില്ലെന്നും ഇവര് പറഞ്ഞു.കഴിഞ്ഞ 16 ന് തന്റെ വീടിനു നേരെ സിപിഎം സംഘം ബോബേറ് നടത്തിക്കൊണ്ട് തനിക്കും കുടംബത്തിനും നേരെ വീണ്ടും അക്രമം നടത്തിയതായി ഇവര് പറഞ്ഞു. ഈ സംഭവത്തിലും പോലീസ് കേസെടുത്തില്ലെന്നും ഇവര് പറഞ്ഞു.
ഭര്ത്താവില്ലാത്ത ലീഷ്മ താന് ഒരു രാഷ്ട്രീയ പാര്ട്ടിയിലും പ്രവര്ത്തിക്കുന്നില്ലെന്ന് വ്യക്തമാക്കി. തന്റെ മകളെ പഞ്ചായത്തില് വീടുനിര്മാണത്തിന് അപേക്ഷയുമായി വന്നാല് അനുവദിച്ചുതരില്ലെന്ന് വാര്ഡ് മെമ്പര് പറഞ്ഞതായും ലീഷ്മ പറഞ്ഞു. ലീഷ്മയുടെ വീട്ടിലെത്തിയ അക്ഷയശ്രീ സെക്രട്ടറി ധനലക്ഷ്മിയെയും സിപിഎം പ്രവര്ത്തകര് മര്ദ്ദിച്ചതായി ഇവര് പറഞ്ഞു. ധനലക്ഷ്മിയുടെ രണ്ടുവയസുള്ള മകനെ തള്ളിയിട്ടതായും ബ്രാഞ്ച് സെക്രട്ടറി തന്നെ ആക്ഷേപിച്ചാതായും ഇവര് പറഞ്ഞു.
വിഷയത്തില് പോലീസ് നിഷ്പക്ഷമായി സമീപനം സ്വീകരിക്കണമെന്ന് പത്രസമ്മേളനത്തില് സംബന്ധിച്ച ബിജെപി ജില്ലാ വൈസ് പ്രസിഡന്റ് ആനിയമ്മ രാജേന്ദ്രന് ആവശ്യപ്പെട്ടു. മഹിളാമോര്ച്ച ജില്ലാ പ്രസിഡണ്ട് എം.രതി, മായാ മധുസൂദനന്, അക്ഷയശ്രീ സെക്രട്ടറി ധനലക്ഷ്മി എന്നിവരും വാര്ത്താസമ്മേളനത്തില് സംബന്ധിച്ചു.
