കുന്നത്തൂര്: സമീപത്തെ പുരയിടത്തില് മാലിന്യത്തില് നിന്ന് നിര്മ്മിച്ച വളം ഇട്ടതുമായി ബന്ധപ്പെട്ടുണ്ടായ തര്ക്കത്തില്’ഭരണിക്കാവ് കശുവണ്ടിവികസനകോര്പ്പറേഷന് ഫാക്ടറി വനിതാമാനേജരോട് സിപിഎം പഞ്ചായത്തംഗത്തിന്റെ ഭര്ത്താവും, ആരോഗ്യ വകുപ്പ് അധികൃതരും അപമര്യാദയായി പെരുമാറിയെന്നാരോപിച്ച് ഫാക്ടറി വളപ്പില് സംഘര്ഷം. സ്ത്രീ തൊഴിലാളികള് വനിതാ പഞ്ചായത്തംഗത്തേയും ആരോഗ്യവകുപ്പ് അധികൃതരേയും ഓഫീസ് റൂമില് തടഞ്ഞുവച്ചു. സമീപത്തെ പുരയിടത്തില് നിക്ഷേപിച്ച മാലിന്യത്തില് നിന്നുമുണ്ടായ രൂക്ഷമായ ദുര്ഗന്ധത്തില് രാവിലെ തന്നെ തൊഴിലാളികള്ക്ക് ശ്വാസം മുട്ടലും ദേഹാസ്വസ്ഥവും അനുഭവപ്പെട്ടു. അതേ തുടര്ന്ന് മാനേജര് ആരോഗ്യവകുപ്പ് അധികൃതരേയും സിനിമാപറമ്പ് വാര്ഡ് അംഗത്തേയും വിവരം അറിയിച്ചു. എന്നാല് ഫോണ് എടുത്ത പഞ്ചായത്തംഗത്തിന്റെ ഭര്ത്താവ് വനിതാമാനേജരോട് മോശമായി സംസാരിച്ചു. തുടര്ന്ന് സ്ഥലത്തെത്തിയ അധികൃതരും മാനേജരോട് തട്ടികയറുകയായിരുന്നു. ഇതില് പ്രകോപിതരായ സിഐടിയു ഉള്പ്പെടെ ഉള്ള തൊഴിലാളി യൂണിയനുകള് സിപിഎം പഞ്ചായത്തംഗത്തേയും അധികൃതരേയും ഓഫീസ് റൂമില് തടഞ്ഞ് വയ്ക്കുകയായിരുന്നു. തുടര്ന്ന് ശാസ്താംകോട്ട പോലീസ് സ്ഥലത്തെത്തി ചര്ച്ച നടത്തി മാലിന്യനിര്മ്മിത വളം അവിടെ നിന്നും മറ്റൊരിടത്തേക്ക് മാറ്റി പ്രശ്നം പരിഹരിക്കുകയായിരുന്നു. സിപിഎംപഞ്ചായത്തംഗത്തെ സിഐടിയുക്കാരായ തൊഴിലാളികള് തടഞ്ഞത് പാര്ട്ടിയില് ചര്ച്ചയായിട്ടുണ്ട്.
ഫാക്ടറി മാനേജരോട് അപമര്യാദയായി പെരുമാറിയെന്ന് ആരോപണം; സംഘര്ഷം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.