ആലപ്പുഴ: നിലം നികത്തലിനെതിരെ പ്രസ്താവനയും പ്രസംഗങ്ങളും നടത്തുന്ന സിപിഎം സ്വന്തം പാര്ട്ടി ഓഫീസിനു സമീപത്തെ നിലം നികത്തുന്നു. മങ്കൊമ്പിലെ സിപിഎം കുട്ടനാട്, തകഴി ഏരിയാ കമ്മറ്റി ഓഫീസിനോടു ചേര്ന്നുള്ള നിലമാണ് കഴിഞ്ഞദിവസം രണ്ടുലോഡ് ഗ്രാവല് അടിച്ചു നികത്തിയത്. നേരത്തെ നിലം നികത്തിയാണ് ഇവിടെ പാര്ട്ടി ഓഫീസും ഓഡിറ്റോറിയവും സിപിഎം നിര്മ്മിച്ചത്. വന് വിവാദമാണ് അക്കാലയളവില് ഉണ്ടായത്. സാധാരണക്കാര് വീടു നിര്മ്മിക്കാനായി നിലം നികത്തിയാല് കൊടികുത്തി തടയുന്ന സിപിഎമ്മും കെഎസ്കെടിയുവും ഇരട്ടത്താപ്പു കാട്ടുന്നതില് വ്യാപക പ്രതിഷേധമുയര്ന്നിരുന്നു. കുട്ടനാട്ടില് നിലംനികത്തല് വീണ്ടും സജീമാകുന്നതിനിടെയാണ് സിപിഎമ്മുകാരും സ്വന്തം നിലം നികത്തിത്തുടങ്ങിയത്. പരാതി ഉയര്ന്ന സാഹചര്യത്തില് നിലം പൂര്വ്വ സ്ഥിതിയിലാക്കാന് കഴിഞ്ഞദിവസം തഹസീല്ദാര് ഉത്തരവ് നല്കിയതായാണ് അറിയുന്നത്. കഴിഞ്ഞ ദിവസം കുട്ടനാട്ടിലെത്തിയ കൃഷിമന്ത്രിയും സ്വകാര്യ വ്യക്തികള് നികത്തിയ നിലങ്ങള് പൂര്വ്വസ്ഥിതിയിലാക്കാന് ഉദ്യോഗസ്ഥര്ക്ക് നിര്ദ്ദേശം നല്കിയിരുന്നു. ഇതിനിടെയാണ് സര്ക്കാരിനെ നയിക്കുന്ന പാര്ട്ടിതന്നെ നിലംനികത്തി ഭൂമാഫിയകള്ക് മാതൃകയായിരിക്കുന്നത്.
കുട്ടനാട്ടില് സിപിഎം നിലംനികത്തുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.