ന്യൂയോര്ക്ക്: എമിഗ്രേഷന് പരിശോധനയുമായി ബന്ധപ്പെട്ട് കശ്മീര് മുന് മുഖ്യമന്ത്രി ഒമര് അബ്ദുള്ളയെ യുഎസ് വിമാനത്താവളത്തില് തടഞ്ഞുവച്ചു. പരിശോധനയെ തുടര്ന്ന് രണ്ട് മണിക്കൂറോളം നേരം ഒമറിന് വിമാനത്താവളത്തില് ചിലവിടേണ്ടി വന്നു.
യുഎസിലെ മൂന്നാമത്തെ സന്ദര്ശനമാണിത്, മൂന്ന് തവണയും പരിശോധനയ്ക്ക് വിധേയനായെന്ന് ഒമര് ട്വീറ്റില് കുറിച്ചു. യു.എസില് വന്നതിന് പകരം വീട്ടില് തന്നെ തങ്ങിയാല് മതിയായിരുന്നു എന്ന് ആഗ്രഹിച്ച് പോകുകയാണെന്നും രണ്ടു മണിക്കൂര് നഷ്ടമായെന്നും അദ്ദേഹം പറഞ്ഞു.
I'm here to speak at an event organised by NYU but I almost wish I'd stayed at home instead. Ah well, that's two hours well & truly wasted!!
— Omar Abdullah (@OmarAbdullah) October 16, 2016
ഒക്ടോബര് 21ന് ന്യൂയോര്ക്ക് സര്വകലാശാലയില് നടക്കുന്ന പരിപാടിയില് പങ്കെടുക്കാന് എത്തിയതായിരുന്നു ഒമര്.
