ഇരിട്ടി: രണ്ടു കഥാ സമാഹാരങ്ങളുടെ പ്രകാശനം നാളെ നളന്ദ കലാ സാഹിത്യവേദിയുടെ ആഭിമുഖ്യത്തില് ഇരിട്ടിയില് നടക്കുന്ന ചടങ്ങില് വെച്ച് നടക്കുമെന്ന് ഭാരവാഹികള് പത്രസമ്മേളനത്തില് അറിയിച്ചു. ഹനീഫ ഇരിട്ടി എഴുതിയ ‘ഇരിട്ടി പാലം’, ഷാജു പാറക്കല് എഴുതിയ ‘സുമേതയുടെ ഓര്മ്മയ്ക്ക്’ എന്നി കഥാ സമാഹാരങ്ങളുടെ പ്രകാശനമാണ് ഉച്ചക്ക് ശേഷം 2.30 ന്ഫാല്ക്കന് പ്ലാസ ഹോളില് നടക്കുന്ന ചടങ്ങില് വെച്ച് എഴുത്തുകാരന് ശിഹാബുദ്ദീന് പൊയ്ത്തുംകടവ് നിര്വഹിക്കുക.
നളന്ദ വൈസ് പ്രസിഡണ്ട് എം. ബാബു അദ്ധ്യക്ഷത വഹിക്കും. നോവലിസ്റ്റ് വിനോയ് തോമസ്, ബാബു ജേക്കബ് കോളിക്കടവ് എന്നിവര് പുസ്തകങ്ങള് ഏറ്റുവാങ്ങും. കവിയും സാഹിത്യ നിരൂപകനുമായ മുസ്തഫ കീത്തടത്ത്, ആരോഗ്യ പച്ച മാസിക എഡിറ്റര് വിന്സെന്റ് പീറ്റര് എന്നിവര് പുസ്തക പരിചയം നടത്തും.
റവ. ഫാ. സേവ്യര് തേലക്കാട്ട്, ഇരിട്ടി ട്രഷറി ഓഫീസര് പി.ജെ.ജേക്കബ്, ഷുക്കൂര് പെടയങ്ങോട്, സുന്ദര് ചിറക്കല്, മനോജ് കാട്ടാമ്പള്ളി, രജനി ഗണേഷ്, അബു ഊവാപ്പള്ളി, ബിജു വര്ഗ്ഗീസ് തുടങ്ങിയവര് പ്രസംഗിക്കും. നളന്ദ ജോ. സിക്രട്ടറി ശ്രീനിവാസന് എടക്കാനം സ്വാഗതവും, ജയേഷ് പായം നന്ദിയും പറയും. നളന്ദ കലാസാഹിത്യവേദി നടത്തിയ ജില്ലാ തല ചിത്ര രചനാ മത്സരത്തില് വിജയിച്ച വിജയികള്ക്കുള്ള സമ്മാന ദാനവും ചടങ്ങില് വെച്ച് നടക്കും. പത്രസമ്മേളനത്തില് നളന്ദ ഭാരവാഹികളായ ശ്രീനിവാസന് എടക്കാനം, ബാബു ജേക്കബ് കോളിക്കടവ്, ഹനീഫ ഇരിട്ടി, മുസ്തഫ കീത്തടത്തില്, ഷാജു പാറക്കല് എന്നിവര് പങ്കെടുത്തു.
