ആംസ്റ്റര്ഡാം: ദയാവധം നിയമവിധേയമാക്കിയ നെതര്ലാന്ഡ് ആത്മഹത്യ ആഗ്രഹിക്കുന്നവര്ക്ക് സര്ക്കാര് സഹായവും അനുമതിയും നല്കുന്ന നിയമം നിര്മ്മിക്കുന്നു. ജീവിതം അവസാനിച്ചു എന്നു തോന്നുന്നവര്ക്ക് സര്ക്കാര് സഹായത്തോടേയും അനുവാദത്തോടേയും ആത്മഹത്യ ചെയ്യാനുള്ള നിയമത്തിനാണ് ആലോചന.
രോഗം ബാധിച്ച് മരണമല്ലാതെ മാര്ഗ്ഗമില്ലെന്ന നിലയിലെത്തുന്നവര്ക്ക് ദയാവധം നിയമവിധേയമാക്കിയതിന് നെതര്ലാന്ഡ് അന്താരാഷ്ട്രതലത്തില് വിവാദങ്ങള്ക്ക് വിധേയമായിരുന്നു.
നിലവില് പരസഹായമില്ലാതെ ജീവിതം മുന്നോട്ട് കൊണ്ടുപോവാന് സാധിക്കാതെ ദുരിതമനുഭവിക്കുന്ന രോഗികള്ക്കാണ് രാജ്യത്ത് ദയാവധത്തിന് അനുവാദമുള്ളത്. ജീവിതം എല്ലാ വിധത്തിലും മതിയായെന്ന് തോന്നുന്നവര്ക്ക് ആത്മഹത്യ ചെയ്യാമെന്ന നിയമം നിര്മ്മിക്കാനാണ് നിയമമന്ത്രി പാര്ലമെന്റിനെ സമീപിച്ചത്.
കുറ്റമറ്റ നടപടിക്രമങ്ങള് ഉറപ്പാക്കിയാല് ആത്മഹത്യാ നിയമമാകാമെന്നാണ് പൊതു നിലപാടെന് മന്ത്രി അറിയിച്ചു. ആത്മഹത്യ ചെയ്യണമെന്ന് തോന്നുന്നവര്ക്ക് മാന്യമായ രീതിയിലുള്ള വഴിയൊരുക്കുമെന്നും നിയമമന്ത്രി അറിയിച്ചു.
