കറാച്ചി: പാക്കിസ്ഥാൻ പട്ടാളത്തിനും പാക് നടി നടന്മാർക്കും പിന്തുണ അറിയിച്ച് ഭാരത സിനിമകൾ രാജ്യത്ത് പ്രദർശിപ്പിക്കില്ലെന്ന് പാക് സിനിമ വിതരണ കമ്പനികൾ. രാജ്യത്തെ സിനിമ ഓപ്പറേറ്റർമാരിൽ പ്രമുഖരായ സൂപ്പർ സിനിമാസാണ് ഇക്കാര്യം ഫേസ്ബുക്കിലൂടെ വ്യക്തമാക്കിയത്. ലാഹോറിലെ ന്യൂപ്ലക്സ് സിനിമാസും ചിത്രങ്ങൾക്ക് വിലക്ക് ഏർപ്പെടുത്തിയിട്ടുണ്ട്.
പാക് അധിനിവേശ കശ്മീരിൽ ഭാരതം നടത്തിയ മിന്നലാക്രമണത്തിനും ഉറി ഭീകരാക്രമണത്തിനുശേഷം പാക് നടീ-നടന്മാര്ക്ക് ഭാരത ഫിലിം അസോസിയേഷന് ഏര്പ്പെടുത്തിയ വിലക്കിനുമെതിരെയുള്ള പ്രധിഷേധമായിട്ടാണ് നടപടിയെന്ന് കമ്പനി വ്യക്തമാക്കിയിട്ടുണ്ട്.
വിലക്ക് എത്രകാലത്തേക്കാണെന്നതു സംബന്ധിച്ച് കൃത്യമായ വിവരം ഇവര് പുറത്തുവിട്ടിട്ടില്ല. മറ്റ് മാനേജുമെന്റുകളും ഭാരത ചിത്രങ്ങൾക്ക് വിലക്ക് ഏർപ്പെടുത്തണമെന്ന് സൂപ്പര് സിനിമ അധികൃതര് ഫേസ്ബുക്കിലൂടെ ആവശ്യപ്പെട്ടു. ഭാരത സിനിമകളുടെ ഡിവിഡി, സിഡി തുടങ്ങിയവയുടെ വിപണനവും നിര്ത്തിവയ്ക്കാനും ഇവര് ഫേസ്ബുക്ക് പോസ്റ്റിൽ ആവശ്യപ്പെടുന്നുണ്ട്.
https://twitter.com/khalid19288/status/781731806257217536
