അട്ടാരി (അമൃത്സര്): ഭാരത-പാക്ക് വാഗ അതിര്ത്തിയില്, സ്വര്ണജയന്തി കവാടത്തിനടുത്ത് ഇരുമ്പുതൂണ് വീണ് കണ്ണൂര്കാരി ശ്രീനന്ദന (ഒന്പത്) കൊല്ലപ്പെട്ടു. പഴയൊരു കെട്ടിടം പൊളിക്കുന്ന ജെസിബിയില് ഒരു വൈദ്യുത കേബിള് കുടുങ്ങി, ഇരുമ്പുതൂണ് വലിച്ചു താഴെയിടുകയായിരുന്നു.
ശ്രീനന്ദന, മാതാപിതാക്കള്ക്കൊപ്പം, ഭാരതത്തിന്റെയും പാക്കിസ്ഥാന്റെയും സായാഹ്ന പരേഡ് കാണാന് എത്തി, പണിസ്ഥലത്തു നില്ക്കുകയായിരുന്നു. പരേഡിന് ഒരു മണിക്കൂര് മുന്പായിരുന്നു, അപകടം. ബല്ല സിങ് എന്നൊരാള്ക്ക് പരിക്കേറ്റു. അട്ടാരിയിലെ സന്ദര്ശക ഗ്യാലറി, നീട്ടിയെടുക്കാനുള്ള പണിയാണ്, കുറച്ചുകാലമായി നടന്നുവരുന്നത്. പ്രതിദിനം 30,000 സന്ദര്ശകരാണ്, സായാഹ്നത്തിലെ ‘ബീറ്റിങ് ദ റിട്രീറ്റ്’ ഇരു സൈന്യങ്ങളും നടത്തുന്നത് കാണാന് എത്തുന്നത്.
കുട്ടിയെ ആശുപത്രിയില് എത്തിച്ചെങ്കിലും, ജീവന് രക്ഷിക്കാനായില്ലെന്ന് അതിര്ത്തി രക്ഷാസേന ഡിഐജി ആര്.എസ്.കട്ടാരിയ പറഞ്ഞു. പണിസ്ഥലത്തുനിന്ന കച്ചവടക്കാരനാണ് പരുക്കേറ്റത്.
ശ്രീനന്ദന, കേരളത്തില് നിന്ന് ഒരു വിനോദസഞ്ചാര സംഘത്തിലാണ് എത്തിയത്.
സ്വര്ണജയന്തി കവാടം നീട്ടിയെടുക്കാനുള്ള പണിക്കിടയില് വൈകിട്ട് 4.20 നായിരുന്നു, അപകടം.
അന്വേഷണ റിപ്പോര്ട്ട് രണ്ടുദിവസത്തിനകം കിട്ടുമെന്ന് ഉന്നതോദ്യോഗസ്ഥന് പറഞ്ഞു. കണ്ണൂര് പയ്യന്നൂര് പെരളം കൊഴുമ്മല് വീട്ടില് പ്രേമരാജന്റെ മകളാണ്, ശ്രീനന്ദന ത്രിക്കുട്ടിയെന്നും ഉദ്യോഗസ്ഥര് അറിയിച്ചു.
