കോട്ടയം: വിശ്വകര്മ്മ ജയന്തി ദേശീയ തൊഴിലാളി ദിനമായി ബിഎംഎസ് നേതൃത്വത്തില് ഇന്ന് ആചരിക്കും. ജില്ലയിലെ പ്രധാന കേന്ദ്ര ങ്ങളില് പ്രകടനങ്ങളും സമ്മേ ളനങ്ങളും നടക്കും.
ദേശീയ ബോധമുള്ള തൊഴിലാളികളെ സൃഷ്ടിക്കുകയും രാജ്യത്തിന്റെ വളര്ച്ചയില് പങ്കാളികളാകുകയും ചെയ്യുന്ന ഏറ്റവും വലിയ തൊഴിലാളി പ്രസ്ഥാനമാണ് ബിഎംഎസ് എല്ലാ സൃഷ്ടികളുടേയും പിതാവായ വിശ്വകര്മ്മാവിന്റെ ജയന്തി ദിനമായ സപ്തംബര് 17 ദേശീയ തൊഴിലാളി ദിനമായി ബിഎംഎസ് ആചരിക്കുന്നതും ഇതുകൊണ്ടാണ്.
ജില്ലാ താലൂക്ക് കേന്ദ്രങ്ങളിലായി 13 മേഖലകളില് പ്രകടനവും പൊതുസമ്മേളനവും നടക്കും. ബിഎംഎസ് ജില്ലാ പ്രസിഡന്റ് വി.എസ്. പ്രസാദ് ചങ്ങനാശേരിയിലും, സെക്രട്ടറി പി.എം. നളിനാക്ഷന് പമ്പാടിയിലും പൊതുസമ്മേളനത്തില് പങ്കെടുക്കും. കോട്ടയത്ത് തിരുനക്കര യിലെ ടാക്സി സ്റ്റാന്ഡില് നടക്കുന്ന ചടങ്ങില് ക്ഷേത്രീയ സഹസംഘടനാ സെക്രട്ടറി എന്.എന്. സുകുമാര്ജി പ്രസംഗിക്കും.
പാലാ: ബിഎംഎസ് പാലാ മേഖലാ കമ്മറ്റിയുടെ ആഭിമുഖ്യത്തില് ഇന്ന് ദേശീയ തൊഴിലാളി ദിനം ആചരിക്കും. 5 മണിക്ക് കൊട്ടാരമറ്റത്തു നിന്ന് ആരംഭിക്കുന്ന പ്രകടനം ളാലം പാലം ജംങ്ഷനില് സമാപിക്കും. തുടര്ന്ന് പൊതുസമ്മേളനം നടക്കും.
പൊന്കുന്നം: ബിഎംഎസ് പൊന്കുന്നം മേഖലാ കമ്മറ്റിയുടെ ആഭിമുഖ്യത്തില് ഇന്ന് ദേശീയ തൊഴിലാളി ദിനം ആചരിക്കും. 5 മണിക്ക് കെവിഎംഎസ് ജംങ്ഷനില് നിന്ന് പ്രകടനം ആരംഭിക്കും.
ടൗണില് നടക്കുന്ന പൊതുസമ്മേളനത്തില് മേഖലാ പ്രസിഡന്റ് കെ.വി. പ്രസന്നകുമാര് അദ്ധ്യക്ഷത വഹിക്കും. ബിഎംഎസ് ജില്ലാ ജോയിന്റ് സെക്രട്ടറി സാബു വര്ഗീസ് ഉദ്ഘാടനം ചെയ്യും. ആര്എസ്എസ് ജില്ലാ സമ്പര്ക്കപ്രമുഖ് ഉണ്ണിക്കൃഷ്ണന് മുഖ്യപ്രഭാഷണം നടത്തും. ജില്ലാ ജോയിന്റ് സെക്രട്ടറി ടി.പി. ശ്രീകല, മേഖല സെക്രട്ടറി ഇ.കെ. ജയകുമാര് എന്നിവര് പ്രസംഗിക്കും.
