കൊച്ചി: നവജ്യോതി കരുണാകര ഗുരുവിന്റെ നവതി ആഘോഷങ്ങളുടെ ജില്ലാ സമ്മേളനവും പാലാരിവട്ടം ബ്രാഞ്ച് ആശ്രമത്തിന്റെ പ്രതിഷ്ഠാവാര്ഷികവും ഹൈബി ഈഡന് എംഎല്എ ഉദ്ഘാടനം ചെയ്തു. അശാന്തി നിറഞ്ഞ സമൂഹമനസുകളില് ശാന്തിയുടെ സംഗീതം പൊഴിക്കുന്നതാണ് ശാന്തിഗിരി ആശ്രമത്തിന്റെ പ്രവര്ത്തനങ്ങളെന്ന് അദ്ദേഹം പറഞ്ഞു.
ശാന്തിഗിരി ആശ്രമം പാലാരിവട്ടം ബ്രാഞ്ച് ഹെഡ് സ്വാമി ധര്മ്മാനന്ദജ്ഞാനതപസ്വി അദ്ധ്യക്ഷത വഹിച്ചു. ആശ്രമം ജനറല് സെക്രട്ടറി സ്വാമി ചൈതന്യ ജ്ഞാനതപസ്വി മുഖ്യപ്രഭാഷണം നടത്തി. കൗണ്സിലര് ജെസ്സി ജേക്കബ്, ഫാ. സെബാസ്റ്റ്യന് ഉരക്കാടന്, സ്വാമി ജ്യോതിചന്ദ്രന് ജ്ഞാനതപസ്വി, സ്വാമി ഭാസുരജ്ഞാനതപസ്യ ജ്ഞാനതപസ്വി, പൊന്നുരുന്നി ജുമാമസ്ജിദ് മൗലവി കുഞ്ഞിമുഹമ്മദ് മൗലവി, കെ.എന്. ഉണ്ണികൃഷ്ണന്, ആര്. സതീശന്, വേണുഗോപാല് പി.കെ., ഗിരീഷ്രാജ്, ക്യാപ്റ്റന് മോഹന്ദാസ്, ബ്രഹ്മചാരി രാകേഷ് തുടങ്ങിയവര് സംസാരിച്ചു. സെപ്റ്റംബര് 6ന് നവജ്യോതി കരുണാകരഗുരുവിന്റെ നവതി ആഘോഷങ്ങള് പോത്തന്കോട്ട് ശാന്തിഗിരി ആശ്രമത്തില് ആചരിക്കും.
