കുവൈറ്റ് സിറ്റി: സേവാദര്ശന് കുവൈറ്റ് ഭാരവാഹികള് ഭാരത സ്ഥാനപതി സുനില് ജെയിനെ സന്ദര്ശിച്ചു. ജനറല് സെക്രട്ടറി സഞ്ജുരാജ് പുതുതായി തെരഞ്ഞെടുത്ത ഭാരവാഹികളെ അംബാസിഡര്ക്ക് പരിചയപ്പെടുത്തി. സംഘടനയുടെ സാമൂഹിക സാംസ്ക്കാരിക രംഗത്തെ പ്രവര്ത്തനങ്ങളെക്കുറിച്ച് പ്രസിഡന്റ് അജയ്കുമാര് അംബാസിഡറെ ധരിപ്പിച്ചു. അഡ്വൈസറി ബോര്ഡ് അംഗം കൃഷ്ണകുമാര് സേവാദര്ശന് കുവൈറ്റില് നടത്തിവരുന്ന ജീവകാരുണ്യ പ്രവര്ത്തനങ്ങളെക്കുറിച്ച് വിവരണം നല്കി.
അന്തര്ദേശീയ യോഗ ഡേയുടെ ഭാഗമായി ദല്ഹിയില് നടന്ന സമ്മേളനത്തില് കുവൈറ്റിനെ പ്രതിനിധീകരിച്ച് ഭാരവാഹികള് പങ്കെടുക്കുകയും, ബന്ധപ്പെട്ട റിപ്പോര്ട്ട് യുവദര്ശന് കോര്ഡിനേറ്റര് ഡോ. രൂപേഷ് അംബാസിഡറെ ധരിപ്പിക്കുകയും ചെയ്തു.
ഭാരതീയരായ പ്രവാസി സമൂഹം നേരിട്ടുകൊണ്ടിരിക്കുന്ന വിവിധ വിഷയങ്ങള് അംബാസിഡറുടെ ശ്രദ്ധയില്പ്പെടുത്തി. സേവാദര്ശന്റെ പ്രവര്ത്തനങ്ങളില് അദ്ദേഹം സംതൃപ്തി രേഖപ്പെടുത്തുകയും തുടര്ന്നുള്ള പ്രവര്ത്തനങ്ങള്ക്ക് എല്ലാവിധ സഹായസഹകരണങ്ങള്ക്ക് ഉറപ്പ് നല്കുകയും ചെയ്തു. കള്ച്ചറല് സെക്രട്ടറി വിഭീഷ് സന്ദര്ശന സംഘത്തില് ഉണ്ടായിരുന്നു.
