വിശ്വഹിന്ദു പരിഷത്തിന്റെ നേതൃത്വത്തില് മാരാരിക്കുളം ആറാട്ടുകടപ്പുറത്ത് കര്ക്കിടക വാവുദിനമായ ഇന്നലെ നടന്ന ബലിതര്പ്പണം
ആലപ്പുഴ: സ്നാനഘട്ടങ്ങളിലും ക്ഷേത്രങ്ങളിലും പിതൃക്കള്ക്ക് ബലിതര്പ്പണം നല്കി ആയിരങ്ങള് പുണ്യം നേടി. പൂര്വ്വികര്ക്കുള്ള ഒരുപിടിച്ചോറ് നല്കാനുള്ള പിന്മുറക്കാരുടെ അവകാശത്തിന് തടസ്സം നില്ക്കാതെ മഴമാറി നിന്നതും തര്പ്പണത്തിനെത്തിയവര്ക്ക് അനുഗ്രഹമായി.
കര്ക്കിടക വാവായ ഇന്നലെ ജില്ലയിലെ നിരവധി സ്നാനതീര്ത്ഥങ്ങളിലും ദേവസ്ഥാനങ്ങളിലും ആയിരക്കണക്കിന് ആളുകളാണ് പൂര്വ്വികര്ക്ക് തര്പ്പണവും പിതൃപൂജയും അര്പ്പിച്ചത്. വലിയഴീക്കല്, തൃക്കുന്നപ്പുഴ, ആലപ്പുഴ, മാരാരിക്കുളം, കടപ്പുറം തുടങ്ങി തീരദേശ മേഖലകളിലും സമുദ്രദേവനെ സാക്ഷിനിര്ത്തി നിരവധിയാളുകള് ബലികര്മ്മങ്ങള് അനുഷ്ഠിച്ചു.
കൂടാതെ അച്ചന്കോവിലാറിന്റെ തീരത്തുള്ള കണ്ടിയൂര് കീര്ത്തിപുരംക്ഷേത്രം, മറ്റം നരസിംഹമൂഹൂര്ത്തിക്ഷേത്രം, കടവൂര് മഹാദേവക്ഷേത്രം എന്നിവിടങ്ങളിലും ബലിതര്പ്പണത്തിന് പുലര്ച്ചെ മൂന്നുമുതല്തന്നെ ഭക്തരെത്തിയിരുന്നു. ആലപ്പുഴ തുരുവാമ്പാടി ക്ഷേത്രം, കിടങ്ങാംപറമ്പ്, ചേര്ത്തല മരുത്തോര്വട്ടം, കുട്ടനാട് മങ്കൊമ്പ് ഭഗവീക്ഷേത്രം, ആനപ്രമ്പാല് ശ്രീധര്മ്മശാസ്താ ക്ഷേത്രം, ചക്കുളത്തുകാവ്, അമ്പലപ്പുഴ ഇരട്ടക്കുളങ്ങര മഹാദേവക്ഷേത്രം എന്നിവിടങ്ങളിലും മുന്വര്ഷത്തേക്കാള് വന്തിരക്കാണ് അനുഭവപ്പെട്ടത്.
