മലപ്പുറം: പട്ടികജാതി യുവതി യുവാക്കള്ക്ക് സൈനിക – അര്ധ സൈനിക – പൊലീസ് വിഭാഗങ്ങളില് ജോലി നേടാന് സഹായകമായ രണ്ട് മാസത്തെ സര്ക്കാര് അംഗീകൃത പ്രീ-റുക്രൂട്ട്മെന്റ് പരിശീലനം ജില്ലാ പഞ്ചായത്ത് നടപ്പിലാക്കുന്നു. 17നും 26നു മിടയില് പ്രായമുള്ള 10-ാം ക്ലാസോ അതിലധികമോ വിദ്യാഭ്യാസ യോഗ്യതയും ആരോഗ്യവുമുള്ള ദാരിദ്ര്യ രേഖയ്ക്ക് താഴെയുള്ളവര്ക്ക് അപേക്ഷിക്കാം.
ഭക്ഷണം, താമസം അടക്കമുള്ള രണ്ട് മാസത്തെ പരിശീലനത്തിന്റെ ചെലവ് ജില്ലാ പഞ്ചായത്ത് വഹിക്കും. സര്ക്കാര് അക്രഡിറ്റഡ് സ്ഥാപനമായ കോഴിക്കോട് പ്രി-റിക്രൂട്ട്മെന്റ് ട്രെയിനിങ് സെന്റരിലാണ് പരിശീലനം. സേനാ തെരഞ്ഞെടുപ്പുകളില് കാര്യക്ഷമതാ പരീക്ഷകളിലും എഴുത്തു പരീക്ഷയിലും ഇന്റര്വ്യൂയിലും വിജയിക്കാന് ഉതകുന്ന തരത്തിലുള്ളതാണ് പരിശീലനം.
താല്പര്യമുള്ളവര് ജാതി, പ്രായം, വിദ്യാഭ്യാസ യോഗ്യതകള് എന്നിവ തെളിയിക്കുന്ന സര്ട്ടിഫിക്കറ്റുകള് സഹിതം പ്രാഥമിക സ്ക്രീനിംങിനായി ഒമ്പതിന് രാവിലെ 11ന് ജില്ലാ പട്ടികജാതി വികസന ഓഫീസില് എത്തണം. ഫോണ് 9447469 280, 9447546617, 9746033681, 0495 2373485.
