ഇരിട്ടി: വിശ്വഹിന്ദു പരിഷത്ത് ഇരിട്ടി പ്രഖണ്ഡിന്റെയും ബംഗലൂരു ഉത്തിഷ്ഠ സാമൂഹ്യ സേവന സമിതിയുടെയും ആഭിമുഖ്യത്തില് വിജയമ്മ കല്ല്യാണ് അനുസ്മരണവും വിദ്യാഭ്യാസ സഹായനിധി വിതരണവും 24 നു നടക്കും. ആറളം ,അയ്യന്കുന്ന് പഞ്ചായത്തിലെ നിര്ദ്ധനരായ കുട്ടികള്ക്കാണ് ഒരു വര്ഷത്തെ പഠനച്ചെലവ് സാമ്പത്തിക സഹായമായി നല്കുക. കഴിഞ്ഞ വര്ഷം അന്തരിച്ച വിശ്വഹിന്ദു പരിഷത്ത് മുഴുവന്സമയ പ്രവര്ത്തകയായ വിജയമ്മ കല്യാണിന്റെ സ്മരണാര്ത്ഥ മാണ് ഈ സഹായനിധി ഏര്പ്പെടുത്തിയിട്ടുള്ളത്.
രാവിലെ 10 മണിക്ക് എടൂര് കാരാപ്പറമ്പ് സംഘനാദം ഭജനമഠത്തില് നടക്കുന്ന പരിപാടി വിഎച്ച്പി സംസ്ഥാന സെക്രട്ടറി ടി.രാജശേഖരന് ഉദ്ഘാടനം ചെയ്യും. ഇരിട്ടി പ്രഖണ്ഡ് സമിതി പ്രസിഡന്റ് സുധാകരന് വള്ളിത്തോട് അദ്ധ്യക്ഷത വഹിക്കും. വിഎച്ച്പി വിഭാഗ് സെക്രട്ടറി കെ.ശ്രീധരന് ഉത്തിഷ്ഠ പരിചയം നടത്തും. മാതൃശക്തി ജില്ലാ പ്രസിഡന്റ് തങ്കമ്മ ബാബു, ജില്ലാ സംയോജക ശാന്തകുമാരി, സഹസംയോജക ശോഭ ശിവന് തുടങ്ങിയവര് സഹായ നിധി വിതരണം നടത്തും.
