കണ്ണൂര്: ബിഹൈന്റ് ദി കര്ട്ടണ് കണ്ണൂരിലെ നാടകപ്രവര്ത്തക നാട്യശാസ്ത്രത്തിന്റെ പിന്ബലത്തില് സംഘടിപ്പിക്കുന്ന നാടക പരിശീലന ക്യാമ്പിന് തുടക്കമായി. കൂടിയാട്ടം, കഥകളി, തെയ്യം എന്നീ മൂന്നുകലാരൂപങ്ങളുടെ അടിസ്ഥാനഭാവങ്ങളെയാണ് നാട്യശാസ്ത്രത്തിന്റെ പിന്ബലത്തില് പരിശീലിപ്പിച്ച് കൊണ്ട് ക്യാമ്പംഗങ്ങള്ക്ക് പരിചയപ്പെടുത്തുന്നത്. സ്കൂളുകള്, കോളജുകള്, സര്വ്വകലാശാലകള്, സാംസ്കാരിക സ്ഥാപനങ്ങള്, വായനശാലകള്, ക്ലബ്ബുകള് എന്നിവിടങ്ങളില് പ്രായഭേദമന്യേ ലിംഗവ്യത്യാസമില്ലാതെ പരിശീലിക്കാവുന്ന രീതിയിലാണ് രണ്ട് ദിവസത്തെ ദൈര്ഘ്യമുള്ള ക്യാമ്പ് സംഘടിപ്പിക്കുന്നതെന്ന് ഭാരവാഹികള് അറിയിച്ചു. ഇന്നലെ ഉച്ചക്ക് മുല്ലക്കൊടി എയുപി സ്കൂളില് ക്യാമ്പിന് തുടക്കമായി. ഇന്ന് കാലത്ത് പയ്യന്നൂര് വിദ്യാമന്ദിര് കോളജില് ക്യാമ്പ് സംഘടിപ്പിക്കും, നാഷണല് സ്കൂള് ഓഫ് ഡ്രാമ ബംഗളൂരു സെന്ററിലെ സന്ദര്ശക അധ്യാപകനും നാടക തെയ്യം കലാകാരനുമായ ബിജു ഇരിണാവ് ആണ് നാടകസംഘത്തിന്റെ ഡയറക്ടര്. കൂടാതെ നാടകപ്രവര്ത്തകനും നര്ത്തകനും ഗുരു ചേമഞ്ചേരി കുഞ്ഞിരാമന് നായരുടെ ശിഷ്യനുമായ ശ്രീനിവാസന് കൊയിലാണ്ടി, കുട്ടികളുടെ നാടകവേദിയില് സജീവ പ്രവര്ത്തകനായ വി.വി.മോഹനന് മയ്യില്, മൂകാഭിനയവേദിയില് സജീവപ്രവര്ത്തകനായ ഉണ്ണിരാജ് ചെറുവത്തൂര്, സനില് കണ്ടോത്ത്, സുബിന് പയ്യന്നൂര് എന്നിവരാണ് പരിശീലകര്. ക്യാമ്പ് നടത്താന് ആഗ്രഹിക്കുന്നവര് 9947675122, 9645609478 എന്നീ നമ്പറുകളില് ബന്ധപ്പെടാവുന്നതാണ്. പത്രസമ്മേളനത്തില് ബിജു ഇരിണാവ്, വി.വി.മോഹനന് മയ്യില്, രാഹുല് ശ്രീനിവാസന്, ഉണ്ണിരാജ് ചെറുവത്തൂര് എന്നിവര് പങ്കെടുത്തു.
നാടക പരിശീലന ക്യാമ്പിന് തുടക്കമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.