മഡ്ഗാവ്: പ്രീമിയർ ഫുട്സാൽ സെമിഫൈനൽ മത്സരങ്ങൾ ഇന്ന്. ഇന്ന് രാത്രി 7ന് നടക്കുന്ന ആദ്യ സെമിയിൽ കൊൽക്കത്ത മുംബൈയുമായി ഏറ്റുമുട്ടും. രണ്ടാം മത്സരം കൊച്ചിയും ഗോവയും തമ്മിൽ. രാത്രി 8ന്.
ഗ്രൂപ്പ് എ ചാമ്പ്യന്മാരായാണ് മുംബൈ സെമിയിലെത്തിയത്. രണ്ടാം സ്ഥാനക്കാരായി കൊച്ചിയും. മുംബൈ കൡച്ച നാല് കളികളിൽ മൂന്നെണ്ണവും വിജയിച്ചപ്പോൾ ഒരെണ്ണം തോറ്റു. കൊച്ചിയോടായിരുന്നു മുംബൈയുടെ തോൽവി. കൊച്ചി ഒരു വിജയവും രണ്ട് സമനിലയും ഒരു തോൽവിയും അടക്കം 5 പോയിന്റ് നേടിയാണ് സെമിയിലെത്തിയത്.
ഗ്രൂപ്പ് ബി ചാമ്പ്യന്മാരായാണ് ഗോവ അവസാന നാലിലെത്തിയത്. കൡഞ്ഞ നാല് മത്സരങ്ങളിൽ രണ്ട് വിജയവും ഒരു സമനിലയും ഒരു തോൽവിയുമടക്കം 7 പോയിന്റാണ് ഗോവ നേടിയത്. ഒരു വിജയവും മൂന്ന് സമനിലയുമടക്കം 6 പോയിന്റ് നേടി ഗോവക്ക് പിന്നിൽ രണ്ടാം സ്ഥാനക്കാരായാണ് കൊൽക്കത്ത സെമിയിലെത്തിയത്.
