തലശ്ശേരി: ഗവ: ബ്രണ്ണന് കോളേജിന്റെ 125ാം വാര്ഷികാഘോഷങ്ങളുടെ സമാപന സമ്മേളനം കോളേജിലെ പ്രമുഖ പൂര്വ്വവിദ്യാര്ത്ഥി കൂടിയായ മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ആഗസ്റ്റ് 8ന് ഉച്ചക്ക് ശേഷം 2.30 ന് വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് അദ്ധ്യക്ഷത വഹിക്കും. കോളേജിലെ നവീകരിച്ച ഓഡിറ്റോറിയം മന്ത്രി എ.കെ.ബാലന് ഉദ്ഘാടനം ചെയ്യും. എംപിമാരും എംഎല്എമാരുമുള്പ്പെടെയുള്ള ജനപ്രതിനിധികള് പങ്കെടുക്കും.
2015 ആഗസറ്റ് ഒന്നിന് കെ.കെ.നാരായണന് എംഎല്എ ചെയര്മാനും പ്രിന്സിപ്പാള് ഡോ.പി.എം.ഇസ്മയില് ജനറല് കണ്വീനറുമായി രൂപവല്ക്കരിച്ച സംഘാടകസമിതിയുടെ നേതൃത്വത്തിലാണ് ഒരു വര്ഷം നീണ്ടുനില്ക്കുന്ന ആഘോഷ പരിപാടികള് സംഘടിപ്പിച്ചത്. എഡേ്വര്ഡ് ബ്രണ്ണന് അനുസ്മരണ യാത്ര, ഗവര്ണര് പങ്കെടുത്ത ഉദ്ഘാടനച്ചടങ്ങ്, വിദ്യാഭ്യാസ ശാസ്ത്ര സാങ്കേതിക പ്രദര്ശനം, പൂര്വാധ്യാപകര്ക്കും ജീവനക്കാര്ക്കും ആദരം, പൂര്വവിദ്യാര്ത്ഥിസംഗമങ്ങള്, അന്താരാഷ്ട്ര പുസ്തകമേളയും സാഹിത്യസമ്മേളനവും, മാധ്യമസംവാദം, അക്കാദമിക് സെമിനാറുകള്, കലാസാഹിത്യ മത്സരങ്ങള്, ഫിലിം ഫെസ്റ്റിവല്, ചിത്രകാര ക്യാമ്പ്, സ്മരണികാപ്രസാധനം തുടങ്ങിയ പരിപാടികള് വന്വിജയമായിരുന്നു. കോളേജിനെ മികവിന്റെ കേന്ദ്രമായുയര്ത്തുന്ന പശ്ചാത്തലത്തില് സംഘടിപ്പിക്കുന്ന സമാപന സമ്മേളനം വന്വിജയമാക്കണമെന്ന് മുന് എംഎല്എ കെ.കെ.നാരായണന്റെ അദ്ധ്യക്ഷതയില് ചേര്ന്ന സംഘാടകസമിതി യോഗം തീരുമാനിച്ചു. പഞ്ചായത്ത് പ്രസിഡന്റ് ബേബി സരോജം,ടി.അനില്, പി.എം.പ്രഭാകരന്, സി.ഭാസ്കരന്, പ്രൊഫ.വി.രവീന്ദ്രന്, കെ.നന്ദകുമാര്, ഇ.കെ.അനുരാഗ്, ഡോ.എ.വത്സലന് തുടങ്ങിയവര് സംസാരിച്ചു.
