കോട്ടയം: തിരുനക്കര ശ്രീരാമഹനുമദ് ദേവസ്ഥാനത്ത് 16മുതല് ആഗസ്റ്റ് 16വരെ രാമായണമാസാചരണം നടക്കും. സമ്പൂര്ണ്ണ രാമായണപാരായണം, അഖണ്ഡനാമജപം, ഗുരുവന്ദനം, തീര്ത്ഥയാത്ര, ആദ്ധ്യാത്മിക പഠനങ്ങള്, ഔഷധസേവ എന്നിവയാണ് പ്രധാന പരിപാടികള്. സംസ്കൃതദിനവും, ഗുരുപൂര്ണ്ണമയുംസ വ്യാസജയന്തിയും ആചരിക്കുന്നുണ്ട്. 16ന് രാവിലെ 5ന് ശ്രീമഹാഗണപതിഹോമം, 9.30ന് ഡോ.പി.പി.വിശ്വനാഥന് നമ്പൂതിരിയുടെ അദ്ധ്യക്ഷതയില് ഉദ്ഘാടനംസഭ മഠാധിപതി വാസുദേവ ബ്രഹ്മാനന്ദ തീര്ത്ഥ സ്വാമിയാര് ഭദ്രദീപം കൊളുത്തി ആരംഭിക്കും. വാഴൂര് തീര്ത്ഥപാദാശ്രമം മഠാധിപതി പ്രജ്ഞാനാനന്ദസ്വാമി അനുഗ്രഹപ്രഭാഷണം നടത്തും. ഗുരുപൂര്ണ്ണിമയുടെ ഭാഗമായി കാലടി ശ്രീശങ്കരാ സംസ്കൃത സര്വ്വകലാശാല സിന്ഡിക്കേറ്റ് മെമ്പര് ഡോ. ഗംഗാധരന് നായരെ പൊന്നാടയണിയിച്ച് പ്രശസ്തി ഫലകവും സമര്പ്പിച്ച് ഗുരുവനന്ദനം ഗുരുവനന്ദനം നടത്തും. ഡോ.സി.ടി.ഫ്രാന്സീസ്, ഡോ.ശര്മ്മ, ഡോ.നാരായണന്, സി.പി.മധുസൂദനന് എന്നിവര് യോഗത്തില് പ്രസംഗിക്കും. 17ന് രാവിലെ 8മുതല് വൈകിട്ട് 6വരെ അഖണ്ഡനാമജപം, 6ന് ആരതി, രാമായണമാസത്തിലെ ബുധന്, വ്യാഴം, വെള്ളി, ഞായര് ദിവസങ്ങളില് ഭഗവദ്ഗീത സ്വാദ്ധ്യായം, ശ്രീശങ്കര കൃതികളുടെ പഠനം, പ്രസരം, സംസ്കൃത സമാജത്തിന്റെ ആഭിമുഖ്യത്തില് സംസ്കൃത പഠനം, കുട്ടികള്ക്ക് വേദപാഠം, ആദ്ധ്യാത്മിക പഠനം, ഗീതാപാരായണം, ഭജന പരിശീലനം എന്നിവയും ഉണ്ടായിരിക്കും. 31ന് ഔഷധസേവാദിനത്തില് തന്ത്രിമുഖ്യന് നാഗമ്പുഴിമന ഹരിഗോവിന്ദന് നമ്പൂതിരിയുടെ മുഖ്യകാര്മ്മികത്വത്തില് വിശേഷാല് ധന്വന്തരി പൂജയും സൗജന്യ ഔഷധവിതരണവും നടത്തും. ആഗസ്റ്റ് 15ന് രാവിലെ 7ന് ശ്രീശങ്കരവിദ്യാപീഠത്തിലെ വിദ്യാര്ത്തികള് ശാസ്താംകോട്ട, വര്ക്കല, ശ്രീജനാര്ദ്ദ സ്വാമിക്ഷേത്രം, ശിവഗിരിമഠം തുടങ്ങിയ പുണ്യസ്ഥലങ്ങളിലേക്ക് തീര്ത്ഥയാത്ര നടത്തും. ആഗസ്റ്റ് 16ന് രാമായണമാസ സമാപനദിനത്തില് സമ്പൂര്ണ്ണ രാമായണ പാരായണം. രാവിലെ 5ന് തുടങ്ങി വൈകിട്ട് 7ന് പുഷ്പാഭിഷേകത്തോടെ പാരായണ സമര്പ്പണവും തുടര്ന്ന് പ്രസാദവിതരണവും നടക്കും.
പ്രതികരിക്കാൻ ഇവിടെ എഴുതുക: