കോട്ടയം: മാറി മാറി വരുന്ന മുന്നണികളുടെ നയങ്ങളും പരിപാടികളും ഒന്നുതന്നെയാണെന്നും ഇത് കേരള ടൂറിസം വികസനത്തെ പിന്നോട്ടടിക്കുന്നുവെന്നും ബിജെപി ജില്ലാ പ്രസിഡന്റ് എന്.ഹരി. കേരളത്തില് ഏറ്റവും നന്നായി നടപ്പാക്കാവുന്ന പദ്ധതിയാണ് ടൂറിസം മേഖലയിലുള്ളത്. ടൂറിസം മേഖലയില് കോട്ടയത്തിന് വന് പ്രാധാന്യമാണുള്ളത്. ലോക ടൂറിസം ഭൂപടത്തില് സ്ഥാനംപിടിച്ച കുമരകം ഇന്ന് തിരിഞ്ഞുനോക്കാന് ആളില്ലാത്ത നിലയില് ആണ്. അടല്ബിഹാരി വാജ്പേയി പ്രഖ്യാപിച്ച കുമരകം പാക്കേജ് നടപ്പില് വരുത്തുന്നതില് ഇരുമുന്നണികളും പരാജയപ്പെട്ടു. ഇപ്പോള് പോലും പുതിയ പദ്ധതികള് കൊണ്ടുവരുന്നതിലേക്ക് കേന്ദ്രസര്ക്കാറുമായി ബന്ധപ്പെട്ട് ഒരു കാര്യവും ചെയ്യാന് കേരള സര്ക്കാര് ശ്രമിക്കുന്നില്ല. അതുപോലെ കഴിഞ്ഞ കാലങ്ങളില് പ്രഖ്യാപിച്ച അരുവിക്കുഴി ടൂറിസം, കോട്ടയം മൊബിലിറ്റി ഹബ്ബ്, ഇല്ലിക്കല്കല്ല്, ഇലവീഴാപ്പൂഞ്ചിറ, വൈക്കം കായലോര മേഖല ഇവയൊക്കെ വികസനമുരടിപ്പിന്റെ ഉദാഹരണങ്ങള് മാത്രം. അതുപോലെ വാഗമണ്, തേക്കടി ഇവയെല്ലാം ഉള്പ്പെടുത്തി ടൂറിസം പാക്കേജ് നടപ്പിലാക്കിയാല് വന് വികസനമാകും ഉണ്ടാകുക. മുന്നണി ഭരണം മാറി വരുമ്പോള് പദ്ധതികളും മാറുകയാണ്. ഒന്നും പൂര്ത്തീകരിക്കാന് കഴിയുന്നില്ല. അടിയന്തിരമായി കോട്ടയത്തിന് ടൂറിസം പാക്കേജ് അനുവദിക്കണമെന്നും എന്.ഹരി ആവശ്യപ്പെട്ടു.
ടൂറിസം വികസനം: കേരള സര്ക്കാര് കോട്ടയത്തെ അവഗണിക്കുന്നു: എന്.ഹരി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.