ചേര്ത്തല: താലൂക്ക് എന്എസ്എസ് യൂണിയന് 2,03,76,800 രൂപ വരവും 2,03,73,500 രൂപ ചെലവും 3,300 രൂപ നീക്കിയിരിപ്പും പ്രതീക്ഷിക്കുന്ന ബജറ്റിന് 80-ാം വാര്ഷിക പൊതുയോഗം അംഗീകാരം നല്കി. എംകെഎംഎന്എസ്എസ് ആയുര്വേദ ആശുപത്രിയുടെ വികസനത്തിനായി 75 ലക്ഷം രൂപ ചെലവഴിക്കും.
വര്ക്കിംഗ് വിമന്സ് ഹോസ്റ്റല് നിര്മാണത്തിനും വാഹനം വാങ്ങുന്നതിനും 10 ലക്ഷം രൂപ വീതം ബജറ്റില് വകയിരുത്തിയിട്ടുണ്ട്. ജീവകാരുണ്യ ധനസഹായങ്ങള്ക്കായി 7,60,000 രൂപയും യൂണിയന് ധനസഹായങ്ങള്ക്കായി അഞ്ച് ലക്ഷം രൂപയും വിനിയോഗിക്കും.
വിദ്യാഭ്യാസ സ്കോളര്ഷിപ്പ്, എന്ഡോവ്മെന്റ് എന്നിവയ്ക്ക് രണ്ട് ലക്ഷം രൂപ നീക്കിവച്ചിട്ടുണ്ട്. ഹ്യുമന് റിസോഴ്സ് സെന്റര്, ആദ്ധ്യാത്മിക പഠനകേന്ദ്രങ്ങള്, മന്നം സോഷ്യല് സര്വ്വീസ് സൊസൈറ്റി, വനിതായൂണിയന് എന്നിവയ്ക്കായി രണ്ട് ലക്ഷം രൂപ വീതം നീക്കിവച്ചു. ബാലസമാജ യൂണിയന്, ചികിത്സാ സഹായം, ഭവനദാനം, വിവാഹ ധനസഹായം എന്നിവക്കായി ഒരു ലക്ഷം രൂപ വീതം ചെലവഴിക്കും.യോഗത്തില് പ്രസിഡന്റ് കെ. പങ്കജാക്ഷപ്പണിക്കര് അദ്ധ്യക്ഷത വഹിച്ചു.
സെക്രട്ടറി ബി.ഗോപാലകൃഷ്ണന് നായര് പ്രവര്ത്തന റിപ്പോര്ട്ടും വരവു ചെലവ് കണക്കും ബജറ്റും അവതരിപ്പിച്ചു. വൈസ്പ്രസിഡന്റ് കെ.ജി.ചിന്താര്മണി, അസിസ്റ്റന്റ്് സെക്രട്ടറി എസ്.ജയകൃഷ്ണന്, രാധാകൃഷ്ണന്, പി.ജി.കൃഷ്ണന്കുട്ടി നായര്, ചന്ദ്രപ്പക്കുറുപ്പ്, പെരുമ്പളം ജയകുമാര്, ഹരീഷ്, സുരേഷ്ബാബു, തുടങ്ങിയവര് പ്രസംഗിച്ചു.
