കോട്ടയം: ഫോട്ടോ ജേര്‍ണലിസ്റ്റ് ഫോറത്തിന്റെ ആഭിമുഖ്യത്തിലുള്ള ഫോട്ടോ പ്രദര്‍ശനമായ ”സയലന്‍സില്‍’ ചലച്ചിത്രതാരങ്ങളുടെ നിറസാന്നിധ്യം. പ്രശസ്ത സംവിധായകന്‍ ജിത്തു ജോസഫും കുടുംബവും, യുവതലമുറയുടെ തരംഗമായ് മാറിയ നീരജ് മാധവുമാണ് പ്രദര്‍ശനത്തിനെത്തിയത്. അപൂര്‍വ്വങ്ങളും മനോഹരവുമായ ഫോട്ടോകള്‍തന്നെ ഏറെ ആകര്‍ഷിച്ചെന്ന് ജിത്തു ജോസഫ് പറഞ്ഞു. കോട്ടയത്തെ 26 പത്ര ഫോട്ടോഗ്രാഫര്‍മാരുടെ 130 വാര്‍ത്താ ചിത്രങ്ങളാണ് പ്രദര്‍ശനത്തിന് വച്ചിരിക്കുന്നത്. വിക്ടര്‍ ജോര്‍ജ്ജ് സ്മാരക ട്രസ്റ്റിന്റെയും പത്രപ്രവര്‍ത്തക യൂണിയന്റെയും ആഭിമുഖ്യത്തില്‍ പരിപാടി സംഘടിപ്പിച്ചിരിക്കുന്നത്. പ്രദര്‍ശനത്തോടനുബന്ധിച്ച് വിവിധ ഫോട്ടോഗ്രാഫി വിഷയങ്ങളില്‍ വിദഗ്ദരുടെ ക്ലാസുകള്‍ നടക്കും. പ്രായഭേദമെന്യേ ചിരിപ്പിച്ചും ചിന്തിപ്പിച്ചും അത്ഭുതപ്പെടുത്തിയും നിശ്ചലദൃശ്യങ്ങള്‍ കൂടുതല്‍ വാചാലമാകുന്നു. ഫ്രെയിമിനു പുറത്തേക്ക് പറന്നകന്ന സഹപ്രവര്‍ത്തകരായ എസ്.എസ്. റാം, സനില്‍ ഫിലിപ്പ്, ടോണി വെമ്പള്ളി എന്നിവരുടെ ഓര്‍മ്മകള്‍ക്കു മുന്നില്‍ പ്രണാമമര്‍പ്പിച്ചാണ് പ്രദര്‍ശനം ഒരുക്കിയിപുള്ളത്. പ്രവേശനം സൗജന്യമാണ് രാവിലെ 9.30 മുതല്‍ 7.30 വരെയാണ് സമയം. 9ന് വൈകിട്ട് സമാപനസമ്മേളനത്തോടെ പ്രദര്‍ശനം അവസാനിക്കും.
വര്‍ണക്കാഴ്ചകള്‍ക്ക് മിഴിവേകി സിനിമാതാരങ്ങളും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.