മൂന്നാര്‍: റോഡരികില്‍ പാര്‍ക്ക് ചെയ്തിരുന്ന കമാന്‍ഡര്‍ ജീപ്പ് മോഷ്ടിച്ച മൂന്നംഗ സംഘം പോലീസ് പിടിയില്‍. മറയൂര്‍ സ്വദേശികളായ വില്ലശരണ്‍ (31), കറുത്ത് സ്വാമി (29), സന്തോഷ്‌കുമാര്‍ (27) എന്നിവരാണ് പിടിയിലായത്. ഇന്നലെ മൂന്നാര്‍ എസ് ഐ വിഷ്ണുകുമാറിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതികള്‍ കുടുങ്ങുന്നത്. കടലാര്‍ എസ്‌റ്റേറ്റ് ഡിവിഷനിലെ വടക്കത്തിയമ്മന്‍ കോവിലിന് സമീപം റോഡരികില്‍ പാര്‍ക്ക് ചെയ്തിരുന്ന വാഹനമാണ് മോഷണം പോയത്. ബുധനാഴ്‌ച്ച രാത്രിയാണ് വാഹനം മോഷണം പോകുന്നത്. തുടര്‍ന്ന് വണ്ടി മറയൂരിലുണ്ടെന്ന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ നടത്തിയ പരിശോധനയിലാണ് വില്ലശരന്റെ ജേഷ്ടന്റെ മറയൂരിലുള്ള വീട്ടില്‍ നിന്നും വണ്ടി കണ്ടെത്തിയത്. തുടര്‍ന്ന് നടത്തിയ അന്വേഷണത്തില്‍ പ്രതികളെ പിടികൂടുകയായിരുന്നു. തെളിവെടുപ്പിന് ശേഷം ഇന്നലെ രാത്രി 8.30 യോടെ മൂവരെയും ജഡ്ജിയുടെ മുന്നില്‍ ഹാജരാക്കി റിമാന്‍ഡ് ചെയ്തു.
ജീപ്പ് മോഷ്ടാക്കള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.