കണ്ണൂര്: വായനാ പക്ഷാചരണത്തിന്റെ ഭാഗമായി ചരിത്രകാരന്മാരെ പരിചയപ്പെടുത്തുന്ന പദ്ധതിക്ക് തുടക്കമാകുന്നു. ലൈബ്രറി കൗണ്സില് സംഘടിപ്പിക്കുന്ന വായനാപക്ഷാചാരണത്തിന്റെ ഭാഗമായാണ് രാജ്യത്തെ ആദ്യത്തെ പബ്ലിക്ക് ലൈബ്രറി സ്ഥാപിച്ച സ്വാതി തിരുനാള് മാഹാരാജാവ്, 1937ല് മലബാര് വായനാശാലാസംഘം സംഘടിപ്പിക്കുന്നതില് മുന് കൈ എടുത്ത കെ ദാമോദരന്, മധുരവനം കൃഷ്ണക്കുറുപ്പ്, ജോസഫ് മുണ്ടശേരി, എസ് ഗുപ്തന് നായര്, പിടി ഭാസ്കരപണിക്കര്, 1945ല് തിരുവിതാംകൂര് ഗ്രന്ഥശാലാ സംഘം സ്ഥാപിച്ച പി എന് പണിക്കര്, കേരള ഗ്രന്ഥശാലാ സംഘം രൂപീകരിച്ചതിന് ശേഷം ഭാരവാഹികളായ പനമ്പള്ളി ഗോവിന്ദമേനോന്, ആര് ശങ്കര്, തായാട്ടു ശങ്കരന്, പി ഗോവിന്ദപിള്ള, കടമ്മനിട്ട രാമകൃഷ്ണന്, ഐവി ദാസ്, ഇന്നത്തെ ഗ്രന്ഥശാലാ നിയമത്തിന് രൂപം നല്കിയ കെ ചന്ദ്രശേഖരന് തുടങ്ങിയവരെ സമൂഹത്തിന് പരിചയപ്പെടുത്തി കൊടുക്കുന്നത്.
19ന് പി എന് പണിക്കരുടെ ചരമ ദിനം മുതല് ജൂലായ് 7 ഐ വി ദാസിന്റെ ജന്മ ദിനം വരെയാണ് വായനാ പക്ഷാചരണം നടത്തുന്നത്. പുസ്തക പരിചയം, സെമിനാറുകള്, ചര്ച്ചകള്, വായനാമല്സരം തുടങ്ങിയവ പരിപാടിയുടെ ഭാഗമായി നടക്കും. ജൂലൈ 7ന് ഹൈസ്കൂള് വിദ്യാര്ത്ഥികളുടെ വായനാമല്സരം നടക്കും.
അപകടാവസ്ഥയിലുളള വൃക്ഷങ്ങള് മുറിച്ചു മാറ്റണമെന്ന ആവശ്യം ശക്തം
