തലശ്ശേരി: തലശ്ശേരിയില്‍ ബിജെപി പ്രവര്‍ത്തകന്റെ വീട്ടില്‍ അര്‍ദ്ധരാത്രിയില്‍ പോലീസ് അക്രമം. ഇല്ലത്തുതാഴെയുള്ള ബിജെപി പ്രവര്‍ത്തകന്‍ രണ്‍ദീപിന്റെ മുരിക്കോളി ഹൗസ് എന്ന വീട്ടിലാണ് പോലീസ് അക്രമം നടത്തിയത്. ഇന്നലെ രാത്രിയിലാണ് ന്യൂമാഹി പോലീസ് എസ്‌ഐയുടെ നേതൃത്വത്തില്‍ ഒരുസംഘം പോലീസുകാര്‍ വീട്ടിലെത്തി വാതില്‍ ചവിട്ടിപ്പൊളിച്ച് അകത്ത് കയറുകയും അസഭ്യവര്‍ഷം നടത്തി ഭീകരാന്തരീക്ഷം സൃഷ്ടിക്കുകയും ചെയ്തത്. സംഭവത്തെ തുടര്‍ന്ന് അബോധാവസ്ഥയിലായ വീട്ടമ്മ ശ്യാമളയെ തലശ്ശേരി ഇന്ദിരാഗാന്ധി ആശുപത്രിയില്‍ പ്രവേശിപ്പിച്ചു. ഒരു വനിതാ പോലീസുദ്യോഗസ്ഥ പോലുമില്ലാതെ അര്‍ദ്ധരാത്രിയില്‍ വീടിന്റെ വാതില്‍ ചവിട്ടിപ്പൊളിച്ച് അകത്ത് കയറി ഭീകരാന്തരീക്ഷം സൃഷ്ടിച്ച ന്യൂമാഹി പോലീസിന്റെ നടപടിയില്‍ ബിജെപി തലശ്ശേരി മണ്ഡലം കമ്മറ്റി ഭാരവാഹികള്‍ പ്രതിഷേധിച്ചു. ഭരണം മാറിയതോടെ സിപിഎം ക്രിമിനലുകളെപ്പോലെ പെരുമാറുന്ന പോലീസ് നടപടി ദൂരവ്യാപകമായ പ്രത്യാഘാതങ്ങള്‍ സൃഷ്ടിക്കുവാനേ ഉപകരിക്കുകയുള്ളൂ എന്നും അക്രമം നടത്തിയ പോലീസുകാര്‍ക്കെതിരെ ശക്തമായ നടപടി സ്വീകരിക്കാത്തപക്ഷം ബിജെപി പ്രവര്‍ത്തകര്‍ക്ക് സ്വയംരക്ഷക്കാവശ്യമായ തയ്യാറെടുപ്പുകള്‍ നടത്തേണ്ടിവരുമെന്നും നേതാക്കല്‍ മുന്നറിയിപ്പ് നല്‍കി.
അബോധാവസ്ഥയിലായ വീട്ടമ്മ ആശുപത്രിയില്‍ അര്‍ദ്ധരാത്രിയില്‍ ബിജെപി പ്രവര്‍ത്തകന്റെ വീട്ടില്‍ പോലീസ് അതിക്രമം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.