പയ്യന്നൂര്‍: പെയ്യാന്‍ മടിച്ചുനില്‍ക്കുന്ന ഇടവപ്പാതിയെ സാക്ഷിയാക്കി പയ്യന്നൂരില്‍ തുരീയംസംഗീതോത്സവത്തിന് ഇന്ന് തുടക്കമാകും. ഒരു വ്യാഴവട്ടത്തിനു മുമ്പ് പോത്താങ്കണ്ടം ആനന്ദ ഭവനത്തിന്റെ ആഭിമുഖ്യത്തില്‍ സ്വാമി കൃഷ്ണാനന്ദ ഭാരതി തുടങ്ങിവെച്ച സംഗീതത്തേന്‍മഴയുടെ പതിമൂന്നാം വാര്‍ഷികത്തോടനുബന്ധിച്ച് 41 നാള്‍ നീണ്ടു നില്‍ക്കുന്ന സംഗീത പരിപാടികളാണ് അരങ്ങേറുന്നത്. പയ്യന്നൂര്‍ അയോദ്ധ്യ ഓഡിറ്റോറിയത്തില്‍ എല്ലാ ദിവസവും വൈകുന്നേരം 6.30ന് ആരംഭിക്കുന്ന പരിപാടിയില്‍ ഭാരതത്തിലെ എല്ലാ മേഖലകളില്‍ നിന്നുമുള്ള പ്രഗല്‍ഭ സംഗീതജ്ഞര്‍ വിരുന്നൊരുക്കും. ഉദ്ഘാടന ദിവസമായ ഇന്ന് മല്ലാടി സഹോദരന്‍മാര്‍ വായ്‌പാട്ട് അവതരിപ്പിക്കും. നാളെ ഒ.എസ്.ത്യാഗരാജന്‍ വായ്‌പാട്ട് അവതരിപ്പിക്കും. തുടര്‍ന്നുള്ള ദിവസങ്ങളില്‍ കുന്നക്കടി എം.ബാലമുരളീകൃഷ്ണ, ജയരാജ് കൃഷ്ണന്‍, ജയശ്രീ ജയരാജ്, മാമ്പലം സഹോദരിമാര്‍, ട്രിച്ചി ഗണേശന്‍, പണ്ഡിറ്റ് രമേശ് നാരായണന്‍, ബാംഗ്ലൂര്‍ എസ്.ശങ്കര്‍, സന്ദീപ് നാരായണന്‍, പന്തുളരമ ഡോ.കദ്രി ഗോപാല്‍നാഥ്, നേഹ ദേശ്പാണ്ഡേ, വേദ പ്രകാശ്, പ്രിന്‍സ് രാമവര്‍മ്മ, ശ്രീരാം പരശുരാം, ബാംഗ്ലൂര്‍ സഹോദരിമാര്‍, യാഴ് പണം ബാലമുരുഗന്‍, ഡോ.അമൃത മുരളി, തിരുവാരൂര്‍ ഗിരീഷ്, കോട്ടയം ജമനീഷ് ഭാഗവതര്‍, ഡോ. പ്രമോദ് പ്രഭാശങ്കര്‍, നമ്രത ഗെയ്‌ക്ക്‌വാദ്, നിത്യശ്രീ മഹാദേവന്‍, രവിചാരി മുംബെ, മഹാരാജപുരം രാമചന്ദ്രന്‍, ടി.വി.ശങ്കരനാരായണന്‍, പ്രൊഫ.രംഗനാഥ ശര്‍മ്മ, സാകേത് രാമന്‍, പണ്ഡിറ്റ് ഹരിപ്രസാദ് ചൗരസ്യ, രാമകൃഷ്ണമൂര്‍ത്തി, ഗായത്രി വെങ്കിടരാഘവന്‍, ഡോ.ആഭാ ചൗരസ്വ, ഡോ.വിഭചൗരസ്യ, പട്ടാഭിരാമ പണ്ഡിറ്റ്, എം.എസ്.ഷീല, സജ്ജയ് സുബ്രഹ്മണ്യം, മൈസൂര്‍ ചന്ദന്‍കുമാര്‍, അക്കരെ സഹോദരിമാര്‍, ഹേമന്ത്പന്‍സെ, കുമരേഷ് ജയന്തി കുമരേഷ്, മദ്രാസ് പി.ഉണ്ണികൃഷ്ണന്‍, രാജന്‍ മിശ്ര, സാജന്‍ മിശ്ര തുടങ്ങിയവര്‍ വിവിധ പരിപാടികള്‍ അവതരിപ്പിക്കും. ജൂലൈ 17ന് 21 പ്രമുഖരായ കലാകാരന്മാര്‍ അവതരിപ്പിക്കുന്ന പഞ്ചരത്‌ന കീര്‍ത്തനാലാപനത്തോടെ സംഗീതോത്സവം സമാപിക്കും.
പയ്യന്നൂരിന് ഇനി തുരീയ സംഗീതത്തിന്റെ നാല്‍പത്തിയൊന്ന് രാവുകള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.