പിലാത്തറ: സാങ്കേതികമായി നിയമസഭയില് പ്രതിപക്ഷ നേതൃസ്ഥാനമില്ലെങ്കിലും കേരള ജനതയുടെ മനസ്സില് യഥാര്ത്ഥ പ്രതിപക്ഷ കക്ഷി ബിജെപിയാണെന്നും ആ യാഥാര്ത്ഥ്യം മനസ്സിലാക്കി പ്രവര്ത്തകര് കര്മ്മരംഗത്തേക്കിറങ്ങി, ജനകീയ പ്രശ്നങ്ങളില് ഇടപെട്ട് പാര്ട്ടിയുടെ അടിത്തറ വിപുലീകരിക്കണമെന്നും ബിജെപി ഉത്തരമേഖലാ പ്രസിഡണ്ട് വി.വി.രാജന് അഭിപ്രായപ്പെട്ടു. കേന്ദ്ര ഗവര്മെണ്ടിന്റെ ജനോപകാരപ്രദമായ പദ്ധതികള് സാധാരണക്കാരിലെത്തിക്കാന് പാര്ട്ടി പ്രവര്ത്തകര് മുന്നിട്ടിറങ്ങണം. പിലാത്തറയില് ബിജെപി കല്യാശ്ശേരി നിയോജക മണ്ഡലം തെരഞ്ഞെടുപ്പ് അവലോകന യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം പ്രസിഡണ്ട് വിജയന് മാങ്ങാട് അദ്ധ്യക്ഷത വഹിച്ചു. ദേശീയ സമിതി അംഗം പി.കെ.വേലായുധന്, മേഖലാ സെക്രട്ടറി എ.പി.ഗംഗാധരന്, ജില്ലാ വൈസ് പ്രസിഡണ്ട് കെ.രാധാകൃഷ്ണന്, ആര്എസ്എസ് ജില്ലാ കാര്യവാഹ് പി.രാജേഷ്, ശങ്കരന് കൈതപ്രം, എം.കെ.മധു തുടങ്ങിയവര് സംസാരിച്ചു.
കേരളത്തിലെ യഥാര്ത്ഥ പ്രതിപക്ഷം ബിജെപി: വി.വി.രാജന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.