കോഴിക്കോട്: നഗരഹൃദയത്തിലെ കാട്ടുവയല് കോളനിയില് മഴക്കാല ദുരിതങ്ങള്.ഒരു മഴ പെയ്തപ്പോഴേയ്ക്കും വെള്ളപ്പൊക്ക ഭീഷണി നേരിടുകയാണ് കോളനിവാസികള്. കഴിഞ്ഞ 10 വര്ഷത്തിലധികമായി കോളനിവാസികള് നേരിടുന്ന ദുരിതത്തിന് പരിഹാരം കാണാന് ഭരണകൂടത്തിന് കഴിഞ്ഞില്ല. കോര്പ്പറേഷന് ഭരണാധികാരികളും എംഎല്എയും മറ്റു ജനപ്രതിനിധികളും കാട്ടുവയല് കോളനിനിവാസികള്ക്ക് എന്നും വാഗ്ദാനങ്ങള് നല്കാറുണ്ട്. എന്നാല് അവയൊന്നും നടപ്പായിട്ടില്ല. മാലിന്യങ്ങള് നീക്കം ചെയ്യാന് ഇവിടെ സൗകര്യങ്ങളില്ല. നഗരത്തിലെ ഓടകളില് നിന്ന് നിറഞ്ഞൊഴുകുന്ന മലിനജലം കോളനിയിലേക്ക് കുതിച്ചെത്തുകയാണ്. ജല വിതരണ പൈപ്പുകള് മലിനജലത്തില് മുങ്ങുന്നു. ഇത് മൂലം ഗുരുതരമായ ആരോഗ്യ പ്രശ്നങ്ങളാണ് ഉണ്ടാക്കുന്നത്. വയറിംഗ് കഴിഞ്ഞ് കാലമേറെയായിട്ടും വൈദ്യുതി കണക്ഷന് ലഭിക്കാത്ത ഒരു വീടും ഇവിടെയുണ്ട്. കോളനിവാസികള്ക്കായി മഴക്കാലപ്രത്യേക പാക്കേജ് നല്കണമെന്നാണ് ഇവരുടെ ആവശ്യം. മലിനജലം ഒലിച്ചെത്തുന്നത് തടയണം. വര്ഷങ്ങളായി ദുരിതമനുഭവിക്കുന്ന ഈകോളനിവാസികള്ക്ക് ഈ വര്ഷമെങ്കിലും ദുരിതങ്ങള്ക്ക് പരിഹാരമുണ്ടാക്കണമെന്നാണ് അധികൃതരോട് പറയാ
നുള്ളത്.
