കൊച്ചി: നാമനിര്ദ്ദേശ പത്രിക സമര്പ്പിക്കാന് സ്ഥാനാര്ത്ഥികള് വാഹനാകമ്പടിയോടെ എത്താന് പാടില്ലെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര് എം.ജി. രാജമാണിക്യം അറിയിച്ചു. സ്ഥാനാര്ത്ഥിക്കൊപ്പം എത്തുന്ന മൂന്ന് വാഹനങ്ങള്ക്ക് മാത്രമേ വരണാധികാരിയുടെയും ഉപവരണാധികാരിയുടെയും കാര്യാലയത്തിന് 100 മീറ്റര് ചുറ്റളവില് പ്രവേശനമുള്ളൂ. വരണാധികാരിയുടെ മുറിയിലേയ്ക്ക് സ്ഥാനാര്ത്ഥി ഉള്പ്പെടെ അഞ്ച് പേര്ക്കാണ് പ്രവേശനം. തെരഞ്ഞെടുപ്പ് ഏജന്റ്, നിര്ദ്ദേശകന് എന്നിവരെകൂടാതെ സ്ഥാനാര്ത്ഥി എഴുതി നല്കുന്ന രണ്ടു പേര്ക്കും വരണാധികാരിയുടെ മുറിയില് പ്രവേശിക്കാം. നാമനിര്ദ്ദേശ പത്രികകളില് അടിസ്ഥാന വിവരങ്ങള് ഉള്പ്പെടുത്തണം. പ്രായം തെളിയിക്കുന്ന രേഖകളും പ്രതിനിധാനം ചെയ്യുന്ന പാര്ട്ടി അല്ലെങ്കില് സ്വതന്ത്രന് തുടങ്ങിയ വിവരങ്ങളും പ്രതീക്ഷിക്കുന്ന മൂന്ന് ചിഹ്നങ്ങള് മുന്ഗണനാ ക്രമത്തിലും രേഖപ്പെടുത്തണം. സ്ഥാനാര്ത്ഥിയുടെ പേര്, പിതാവ്, മാതാവ്, ജീവിത പങ്കാളി എന്നിവരുടെ പേര് തുടങ്ങിയ വിവരങ്ങളും തെറ്റാതെ രേഖപ്പെടുത്തണം. സ്ഥാനാര്ത്ഥിയുടെ സ്ഥാവര ജംഗമ സ്തുക്കള്, വിദ്യാഭ്യാസ യോഗ്യത, സാമ്പത്തികകട ബാധ്യതകള്, ഏതെങ്കിലും കേസില് ഉള്പ്പെട്ടിട്ടുണ്ടെങ്കില് ആ വിവരങ്ങളും പത്രികയില് ഉള്പ്പെടുത്തണം.
നാമനിര്ദ്ദേശ പത്രിക സമര്പ്പിക്കാനെത്തുമ്പോള് വാഹന അകമ്പടിക്ക് നിരോധനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.