മൂവാറ്റുപുഴ: പൊതുനിരത്തുകള് സ്വന്തമാക്കി ഇടതുപക്ഷ വിജയത്തിന്റെ പ്രചരണത്തിന് ഉപയോഗിക്കുന്നതായി പരാതി. തെരഞ്ഞെടുപ്പ് ചട്ടങ്ങളും പ്രഖ്യാപനങ്ങളും ലംഘിച്ചാണ് പൊതുനിരത്തിലെ റോഡില് എല്ഡിഎഫിന് വോട്ട് ചെയ്യണമെന്ന പ്രചരണം വ്യാപകമായിരിക്കുന്നത്. യുഡിഎഫ് സ്ഥാനാര്ത്ഥികളും ചിഹ്നമടക്കം പ്രചരണത്തിനുപയോഗിക്കുന്നുണ്ട്. സ്ഥാനാര്ത്ഥികളുടെ പോസ്റ്റര് ഉള്പ്പെടെയുള്ള പ്രചരണത്തിന് തെരഞ്ഞെടുപ്പ് കമ്മീഷന്റെ വിലക്ക് നിലനില്ക്കുമ്പോഴാണ് ഇതുലംഘിച്ച് റോഡിലും പോസ്റ്റുകളിലും പ്രചരണം പൊടിപൊടിക്കുന്നത്. തെരഞ്ഞെടുപ്പ് നിരീക്ഷകരും സ്ക്വാഡുകളും തലങ്ങുംവിലങ്ങും സഞ്ചരിച്ചിട്ടും ഈ ചട്ടലംഘനപ്രചരണം കാണാത്തമട്ടിലാണ്.
പല സ്ഥലങ്ങളിലും വലത്-ഇടത് സ്ഥാനാര്ത്ഥികള്ക്കുവേണ്ടി പോസ്റ്ററുകളും കട്ട്ഔട്ടറുകളും പൊതുനിരത്തുകളില് സ്ഥാപിക്കുമ്പോള്തന്നെ നിരീക്ഷകരെത്തി നീക്കം ചെയ്യുകയും ഫ്ളെക്സുകള് നശിപ്പിച്ചുകളയുകയും ചെയ്യുന്നുണ്ട്. ഇതിന് പിന്നാലെതന്നെ വീണ്ടും സ്ഥാപിക്കുന്നതായും പരാതി ഉയര്ന്നിട്ടുണ്ട്.
