അമ്പലപ്പുഴ: ഡോക്ടര് സഞ്ചരിച്ചിരുന്ന ഔദ്യോഗിക വാഹനം ഇടിച്ചു മറിഞ്ഞ് രണ്ട് പേര്ക്ക് പരിക്ക്. ഇവരെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ആലപ്പുഴ വണ്ടാനം മെഡിക്കല് കോളേജ് ആശുപത്രിയിലെ സൂപ്പര് സ്പെഷ്യാലിറ്റി നോഡല് ഓഫിസറും ഫൈലേറിയ വിഭാഗം മേധാവിയുമായ ഡോക്ടര് ടി.കെ. സുമ, ഇവരുടെ ഡ്രൈവര് രാജ്കുമാര് (47) എന്നിവരെയാണ് ആശുപത്രിയില് പ്രവേശിപ്പിച്ചത്. ഇന്നലെ രാവിലെ 10.30 ഓടെ പുന്നപ്ര കപ്പക്കട ഭാഗത്തായിരുന്നു അപകടം. ഡോക്ടര് സുമ സഞ്ചരിച്ചിരുന്ന കാര് ഇതേ ദിശയില് മുന്നില്സഞ്ചരിച്ചിരുന്ന മറ്റൊരു കാറിനെ മറികടക്കാന് ശ്രമിയ്ക്കുന്നതിനിടെ മുന്നില് പോയ കാര് ബ്രേക്ക് ചവിട്ടുകയും ഡോക്ടര് സുമയുടെ കാര് ഇതിന് പിന്നിലിടിച്ചു മറിയുകയുമായിരുന്നു. സംഭവമറിഞ്ഞെത്തിയ പുന്നപ്ര പോലീസും നാട്ടുകാരും ചേര്ന്ന് രക്ഷാപ്രവര്ത്തനം നടത്തി പരിക്കേറ്റവരെ ആശുപത്രിയില് എത്തിയ്ക്കുകയായിരുന്നു. ആരുടെയും നില ഗുരുതരമല്ല.
കാറിനു പിന്നില് ബൈക്കിടിച്ച്
രണ്ടുപേര്ക്ക് പരിക്ക്
അമ്പലപ്പുഴ: നിര്ത്തിയിട്ടിരുന്ന കാറിനു പിന്നില് ബൈക്ക് ഇടിച്ച് ബൈക്ക് യാത്രക്കാരായ രണ്ട് പേര്ക്ക് പരിക്ക്, ഇവരെ ആശുപത്രിയില് പ്രവേശിപ്പിച്ചു.
പുറക്കാട് അഴിക്കകത്ത് തോപ്പി വീട്ടീല് കണ്ണന് (26), ബൈക്കിനു പിന്സീറ്റില് സഞ്ചരിച്ചിരുന്ന അഴിക്കകത്ത് തോപ്പില് സനു(20) എന്നിവരെയാണ് വണ്ടാനം മെക്കല് കോളേജ് ആശുപത്രിയില് പ്രവേശിപ്പിച്ചത്. ഇന്നലെ വൈകിട്ട് 3.30 ഓടെ ദേശീയ പാതയില് പുന്നപ്ര കുറവന്തോട് ഭാഗത്തായിരുന്നു അപകടം. പുറക്കാട് നിന്നും ആലപ്പുഴയ്ക്ക് പോകുകയായിരുന്ന ഇവര് സഞ്ചരിച്ചിരുന്ന ബൈക്ക് ഈ ഭാഗത്ത് നിര്ത്തിയിട്ടിരുന്ന മാരുതി കാറില് ഇടിയ്ക്കുകയായിരുന്നു.
ബൈക്കില്നിന്നും തെറിച്ച് വീണ് ക്ഷതമേറ്റ ഇവരെ സമീപത്ത് ഉണ്ടായിരുന്നവര് ആശുപത്രിയില് എത്തിയ്ക്കുകയയിരുന്നു. പുന്നപ്ര പോലീസ് മേല് നടപടി സ്വീകരിച്ചു.
