പൂച്ചാക്കല്: ചീരകളില് ഇലപ്പുള്ളി രോഗം പടര്ന്നതോടെ കര്ഷകര് ആശങ്കയില്. തൈക്കാട്ടുശേരി, പള്ളിപ്പുറം, ചീരാത്ത് കാട്, പൂച്ചാക്കല് മേഖലകളിലെ ചീര കര്ഷകരാണ് ആശങ്കയിലായത്.
ചീരയുടെ ഇലകളില് വെള്ള പാണ്ടുകള് ഉണ്ടാകുകയും ഒപ്പംതന്നെ ഇലകള് പുഴു തിന്ന് നശിപ്പിക്കുകയും ചെയ്യുന്നു. ഇലകളിലെ വെള്ള പാണ്ടുകള് ദിവസങ്ങള്ക്കുള്ളില് വളരെ വേഗം മറ്റ് ചീരകളിലേക്ക് പടര്ന്നു പിടിക്കുകയും ചെയ്യുന്നു.
ഇതിനായി കൃഷിവകുപ്പ് നല്കുന്ന പ്രതിരോധമരുന്ന് ഫലപ്രദമല്ലെന്നു കര്ഷകര് പറയുന്നു. പാല്ക്കായം, സോഡാപ്പൊടി, മഞ്ഞള്പ്പൊടി എന്നിവയുടെ മിശ്രിതം തളിച്ചാല് മതിയെന്ന് കൃഷിവകുപ്പ് അധികൃതര് പറയുന്നുണ്ടെങ്കിലും ഈ മിശ്രിതം ഫലപ്രദമല്ലെന്നാണ് അനുഭവത്തിലൂടെ കര്ഷകര് പറയുന്നത്.
കൂടാതെ കാലം തെറ്റി പെയ്ത വേനല്മഴയും പ്രതിസന്ധിക്ക് ആക്കം കൂട്ടി.
