ആലപ്പുഴ: മുന്നറിയിപ്പു നല്കാതെ സമഗ്ര ആരോഗ്യ ഇന്ഷ്വറന്സ് പദ്ധതി പുതുക്കുന്നതിനുള്ള ഫോട്ടോയെടുപ്പ് മാറ്റിവച്ചത് ജനത്തെ വലച്ചു. ആര്യാട് ഗ്രാമപഞ്ചായത്ത് 16-ാം വാര്ഡിലെ ഫോട്ടോയെടുപ്പാണ് മാറ്റിവച്ച വിവരം ജനത്തെ അറിയിക്കാഞ്ഞതെന്നാണ് പരാതി.
ഇന്നലെ രാവിലെ ആറുമുതല് 11വരെ മണിക്കൂറുകളോളം ഫോട്ടോയെടുപ്പ് നിശ്ചയിച്ചിരുന്ന അങ്കണവാടി കെട്ടിടത്തിനുമുമ്പില് കുടുംബസമേതം ആളുകള് കാത്തുനില്ക്കുകയായിരുന്നു. പിന്നീട് ആരോ വിളിച്ചു തിരക്കിയപ്പോഴാണ് ഫോട്ടോയെടുപ്പ് അഞ്ചാംതീയതിയിലേക്കു മാറ്റിയവിവരം ഇവര് അറിയുന്നത്.
പലരും തലേദിവസവും ഫോട്ടോയെടുപ്പിനായി എത്തി മടങ്ങിയവരായിരുന്നു. ദൂരസ്ഥലങ്ങളില് ജോലി ചെയ്യുന്നവര്വരെ ഫോട്ടോയെടുപ്പ് പ്രമാണിച്ചു ലീവെടുത്ത് എത്തിയിരുന്നതായി പറയുന്നു. ദിവസ വേതനക്കാരും മറ്റും തങ്ങളുടെ ജോലി കളഞ്ഞ് വെറുതെ കാത്തുനിന്നതിന്റെ അമര്ഷത്തിലാണ് മടങ്ങിയത്.
പ്രതികരിക്കാൻ ഇവിടെ എഴുതുക: