ആലപ്പുഴ: ബിജെപിയുടെ വികസന നയം രൂപീകരിക്കുന്നതിന്റെ ഭാഗമായി 140 നിയോജകമണ്ഡലങ്ങളിലെയും പൊതുജനങ്ങളുടെയും പ്രമുഖരുടെയും അഭിപ്രായങ്ങള് ബിജെപി തേടുന്നു. ഇതിന്റെ ഭാഗമായി ആലപ്പുഴ നിയോജകമണ്ഡലത്തിലെ വികസന പ്രശ്നങ്ങള് സംബന്ധിച്ച് ബിജെപി സംസ്ഥാന പ്രസിഡന്റ് കുമ്മനം രാജശേഖരനുമായി ഇന്ന് വൈകിട്ട് അഞ്ചുമുതല് രാത്രി എട്ടുവരെ വീഡിയോ കോണ്ഫറന്സിങ് സംവിധാനം ഉപയോഗിച്ച് അഭിമുഖം നടത്താം.
3ന് അരൂര് തുറവൂരില്, 4ന് ചേര്ത്തല ക്ഷേത്രത്തിനു വടക്കുവശം, 5ന് കുട്ടനാട് രാമങ്കരി, 7ന് അമ്പലപ്പുഴ വളഞ്ഞവഴി, 8ന് ഹരിപ്പാട് കെഎസ്ആര്ടിസിക്കു സമീപം, 9ന് ചെങ്ങന്നൂര് റെയില്വേ സ്റ്റേഷനു സമീപം, 10ന് മാവേലിക്കര ചാരുംമൂട്, 11ന് കായംകുളം പോലീസ് സ്റ്റേഷന് പരിസരം, 12ന് കരുനാഗപ്പള്ളി എന്നീ നിയോജകമണ്ഡലങ്ങളിലും വീഡിയോ കോണ്ഫറന്സിങ് അഭിമുഖം നടക്കും.
എല്ലാദിവസവും വൈകിട്ട് അഞ്ചുമുതല് എട്ടുവരെയാണ് ഇതിനുള്ള സൗകര്യം. ജില്ലാതല ഉദ്ഘാടനം ഇന്ന് വൈകിട്ട് അഞ്ചിന് ആലപ്പുഴ ജില്ലാ കോടതിക്ക് എതിര്വശം ബിജെപി ജില്ലാ പ്രസിഡന്റ് കെ. സോമന് ഉദ്ഘാടനം ചെയ്യുമെന്ന് ജില്ലാ കോ- ഓര്ഡിനേറ്റര് സി.എ. പുരുഷോത്തമന് അറിയിച്ചു.
