എടത്വാ: ഇന്ക്രിമെന്റ് ആവശ്യപെട്ട സ്വകാര്യ സ്കൂള് അധ്യാപകരെ കൂട്ടത്തോടെ പിരിച്ചുവിട്ടു. എടത്വയിലെ സ്വകാര്യ ഇഗ്ലീഷ് മീഡിയം സ്കൂളിലെ 12 ഓളം അധ്യാപകരേയും അനധ്യാപകരേയുമാണ് മാനേജ്മെന്റ് അകാരണമായി പിരിച്ചുവിട്ടത്.
എല്കെജി, യുകെജി, എല്പി, യുപി, ഹൈസ്കൂള് അധ്യാപകര്, മ്യൂസിക്, കമ്പ്യൂട്ടര്, സ്പോര്ട്സ് അധ്യാപകര്, ലാബ് അസിസ്റ്റന്റ് എന്നിവരെയാണ് പിരിച്ചുവിട്ടവരില്പെടുന്നു. പത്തു മുതല് പതിനെട്ട് വര്ഷം വരെ സേവനം അനുഷ്ഠിച്ചുവന്നവരും പഞ്ചായത്തില് തൊഴില്കരം അടക്കുന്നവരുമാണ് മാനേജുമെന്റ് നടപടിയെടുത്ത അധ്യാപകര്. ഇഗ്രിമെന്റ് ആവശ്യപെട്ട് അധ്യാപകര് കുറേനാളുകളായി സമരത്തിലായിരുന്നു.
2,500 രൂപ വീതം കഴിഞ്ഞ നാലുമാസത്തെ ഇന്ക്രിമെന്റ് മാനേജുമെന്റ് അനുവദിച്ചെങ്കിലും സമരത്തില് പങ്കെടുത്തവരെ കൂട്ടത്തോടെ പിരിച്ചുവിടുകയായിരുന്നു.
വിദ്യാര്ത്ഥികള് കുറവാണെന്ന കാരണം പറഞ്ഞ് മാര്ച്ച് 30ന് പിരിഞ്ഞുപോകണമെന്നായിരുന്നു അധ്യാപകര്ക്ക് നല്കിയ നോട്ടീസ്. മാനേജുമെന്റ് നല്കിയ നോട്ടിസ് പലരും കൈപ്പറ്റിയില്ല. തുച്ഛമായ ശമ്പളത്തില് ജോലിചെയ്യുന്ന അധ്യാപകര്ക്ക് ഇഗ്രിമെന്റ് നല്കാത്തതില് പ്രതിഷേധിച്ചാണ് സമരം ആരംഭിച്ചത്. ആയിരത്തിലേറെ വിദ്യാര്ത്ഥികളും 32 അധ്യാപകരുമുള്ള ഹയര് സെക്കന്ററി ഇഗ്ലീഷ് മീഡിയം സ്കൂളില് ഇതുവരെ ഇന്ക്രിമെന്റ് നല്കിയിരുന്നില്ലന്നാണ് സമര അനുകൂലികള് പറയുന്നത്.
ഇന്നലെ രാവിലെ പത്തിന് സ്കൂള് കവാടത്തിന് മുമ്പില് നടന്ന പ്രതിഷേധ സമരത്തില് 23 ഓളം അധ്യാപകര് പങ്കെടുത്തു. സമരക്കാരുമായി മാനേജുമെന്റ് ചര്ച്ചക്ക് തയ്യാറാകാത്തത് കാരണം സമരം ശക്തമാക്കാനാണ് പ്രതിഷേധ സമരക്കാരുടെ തീരുമാനം.
