കണ്ണൂര്: സ്വകാര്യ ബസ്സുകളില് മുതിര്ന്ന പൗരന്മാര്ക്കുള്ള സീറ്റുകളുടെ സംവരണം ഉറപ്പുവരുത്താന് ശക്തമായ നടപടി സ്വീകരിക്കണമെന്ന് റിട്ട.ലാന്റ് റവന്യൂ ഓഫീസേഴ്സ് അസോസിയേഷന് ജനറല്ബോഡി യോഗം ആവശ്യപ്പെട്ടു. മോട്ടോര് വാഹന നിയമ വകുപ്പ് 269 (9)ല് 2013ല് വരുത്തിയഭേദഗതി പ്രകാരം ഓര്ഡിനറി ബസ്സുകളിലും ലിമിറ്റഡ് സ്റ്റോപ് ബസ്സുകളിലും 20ശതമാനം സീറ്റുകള് മുതിര്ന്ന പൗരന്മാര്ക്കായി സംവരണം ചെയ്തിട്ടുണ്ടെങ്കിലും ജില്ലയിലെ പല ബസ്സുകളിലും ഇപ്പോള് 10ശതമാനം മാത്രമേ സംവരണം ചെയ്തതായി രേഖപ്പെടുത്തിയിട്ടുള്ളൂ. ഇത് മാറ്റി എല്ലാ ബസ്സുകളിലും 20 ശതമാനം സീറ്റ് സംവരണം നടപ്പിലാക്കാന് ശക്തമായ നടപടി സ്വീകരിക്കണമെന്ന് യോഗം ആവശ്യപ്പെട്ടു. പി.ഒ.പത്മനാഭന് നമ്പ്യാര് അധ്യക്ഷത വഹിച്ചു. എന്.ബാലകൃഷ്ണന്, കെ.ജി. ഉണ്ണികൃഷ്ണന്, മോഹനന് പൊന്നമ്പേത്ത്, വി.കെ.ശ്രീധരന് നമ്പ്യാര്, കെ.എച്ച്.ജോണ്, എന്.വി.വാസുദേവന്, കെ.ടി.അനില്കുമാര്, കെ.രാധാകൃഷ്ണന്, ഒ.രാധ എന്നിവര് സംസാരിച്ചു.
ബസ്സുകളില് മുതിര്ന്ന പൗരന്മാര്ക്കുള്ള സീറ്റ് സംവരണം ഉറപ്പുവരുത്തണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.