അരങ്ങം ഹിന്ദുമേളക്ക് ഇന്ന് തുടക്കമാകും: സമാപന സമ്മേളനത്തില്‍ കേന്ദ്രന്ത്രി സദാനന്ദഗൗഡ പങ്കെടുക്കും

ആലക്കോട്: വിവിധ ഹൈന്ദവ സംഘടനകളുടെ ആഭിമുഖ്യത്തില്‍ ആലക്കോട് വെച്ച് നടത്തപ്പെടുന്ന പത്താമത് അരങ്ങം ഹിന്ദുമേളക്ക് ഇന്ന് തുടക്കമാരും. 10 ദിവസം നീണ്ടു നില്‍ക്കുന്ന മേളയോടനുബന്ധിച്ച് വിവിധ ആധ്യാത്മിക-സാംസ്‌കാരിക പരിപാടികളും ഒരുക്കിയിട്ടുണ്ട്. ഏപ്രില്‍ 3 ന് നടക്കുന്ന സമാപന സമ്മേളനത്തില്‍ കേന്ദ്രമന്ത്രി സദാനന്ദഗൗഡ പങ്കെടുക്കും. ഇന്ന് രാവിലെ 9 മണിക്ക് ആലക്കോട് ടൗണിലെ രാജാ പ്രതിമയില്‍ പുഷ്പാര്‍ച്ചനയോടെയാണ് ഹിന്ദുമേളക്ക് തുടക്കമാവുക. തുടര്‍ന്ന് അരങ്ങം മഹാദേവ ക്ഷേത്രത്തില്‍ നിന്നും ക്ഷേത്ര മൈതാനിയില്‍ സജ്ജമാക്കിയ പിആര്‍ രാമവര്‍മ്മരാജ നഗറിലേക്ക് ദീപപ്രയാണം, 9.30 ന് പതാകയുയര്‍ത്തല്‍ എന്നിവ നടക്കും. തുടര്‍ന്ന് ക്ഷേത്ര സംരക്ഷണ സമിതി സംസ്ഥാന സമിതിയംഗം എം.ജി.രാമകൃഷ്ണന്റെ അധ്യക്ഷതയില്‍ സ്വാമി സാധു വിനോദന്‍ മേള ഉദ്ഘാടനം ചെയ്യും. പ്രവീണ്‍ കോടോത്ത് പ്രഭാഷണം നടത്തും. ടി.എസ്.ജയരാജന്‍, കുമാരി വര്‍മ്മ, ടി.രാജേഷ്, സി.കെ.ജി മാസ്റ്റര്‍, പി.സതീഷ് കുമാര്‍ തുടങ്ങിയവര്‍ സംസാരിക്കും. അരങ്ങം ക്ഷേത്രത്തിലെ മേല്‍ശാന്തിമാര്‍, ശാന്തിമാര്‍, ആദ്യകാല കഴകം ശങ്കരമാരാര്‍ എന്നിവരെ ചടങ്ങില്‍ ആദരിക്കും. നാളെ വൈകുന്നേരം 6 ന് സ്വാമി തത്വാനന്ദ സരസ്വതി പ്രഭാഷണം നടത്തും. ബി.ശ്രീകുമാര്‍ അധ്യക്ഷത വഹിക്കും. രാത്രി 7.30 ന് സംഗീത സദസ്സ് നടക്കും. 27 ന് വൈകുന്നേരം പ്രഭാഷണ സദസ്സ്, തുടര്‍ന്ന് കരോക്കെ ഗാനമേള, 28 ന് വൈകുന്നേരം 7 ന് പി.എസ്.മോഹനന്‍ കൊട്ടിയൂര്‍, 28 ന് സുകുമാരന്‍ പെരിയച്ചൂര്‍ എന്നിവര്‍ പ്രഭാഷണം നടത്തും. 29 ന് രാത്രി 7.30 മുതല്‍ ഹാര്‍മോണിയം കച്ചേരി, ഭജന, 30 ന് സ്വാമി വിശ്വാനന്ദ സരസ്വതിയുടെ പ്രഭാഷണം, സംഗീത സദസ്സ്, ഫയര്‍ ബാന്റ് ഡാന്‍സ്, 31 ന് രാത്രി 7.30 ന് പുല്ലാങ്കുഴല്‍ നാദലയം, ഏപ്രില്‍ 1 ന് രാവിലെ 10 മണി മുതല്‍ വിദ്യാര്‍ത്ഥികള്‍ക്കായി വിവിധ മത്സരങ്ങള്‍, വൈകുന്നേരം 6 മണിക്ക് ഡോ.പ്രിയദര്‍ശന്‍ ലാലിന്റെ പ്രഭാഷണം, 7.30 ന് വയലിന്‍ കച്ചേരി, 2 ന് രാവിലെ 9.30 ന് തിരുവാതിര എന്നിവ നടക്കും. തുടര്‍ന്ന് നടക്കുന്ന മാതൃസംഗമം പി.കെ.ഗിരിജാമണി ടീച്ചറുടെ അധ്യക്ഷതയില്‍ സ്വാമിനി പ്രേംവൈശാലി ഉദ്ഘാടനം ചെയ്യും. മാതൃസമിതി സംസ്ഥാന അധ്യക്ഷ പ്രൊഫ.വി.ടി.രമ മുഖ്യപ്രഭാഷണം നടത്തും. ഉച്ചക്ക് 1.30 ന് നടക്കുന്ന ഹിന്ദു സ്വാഭിമാന സമ്മേളനത്തില്‍ വി.കെ.വിശ്വനാഥന്‍, പി.കെ.കരുണാകരന്‍, പി.ചെമ്മരന്‍, പി.എന്‍.മണി, പി.ജി.സതി, പി.ടി.ഗോപി, ശിവദാസ് പാലത്തൂര്‍, ടി.കെ.ജനാര്‍ദ്ദനന്‍, കെ.പി.വേണു, വി.പി.ദാസന്‍, സി.ഭാസ്‌കരന്‍ മാസ്റ്റര്‍ എന്നിവര്‍ സംസാരിക്കും. വൈകുന്നേരം 5 മണിക്ക് മുളപ്ര കക്കറക്കാവ് സമരസേനാനികളെ ആദരിക്കും. സമാപന ദിവസമായ 3 ന് രാവിലെ 9 മണിക്ക് നടക്കുന്ന യദിപൂജയില്‍ 12 ഒളം സന്യാസിശ്രേഷ്ഠന്മാരെ ആദരിക്കും. 10 മണിക്ക് നടക്കുന്ന പ്രഭാഷണ സദസ്സില്‍ സ്വാമി വേദാനന്ദ സരസ്വതി, സ്വാമി ദര്‍ശനാനന്ദ സരസ്വതി, പ്രൊഫ.ടോണി മാത്യു എന്നിവര്‍ പ്രഭാഷണം നടത്തും. ഉച്ചക്ക് 1.30 ന് രാഗ സംഗീത സമന്വയം, 3.30 ന് സിയാച്ചിനില്‍ വീരമൃത്യു വരിച്ച ധീരസൈനികര്‍ക്ക് പ്രണാമമര്‍പ്പിച്ചുള്ള അമര്‍ ജവാന്‍ പരിപാടി, കാര്‍ഗില്‍ സമരപോരാളി മനേഷ് ഉദ്ഘാടനം ചെയ്യും. 4 മണിക്ക് നടക്കുന്ന സമാപന സമ്മേളനം സദാനന്ദ ഗൗഡ ഉദ്ഘാടനം ചെയ്യും. അജിത്ത് രാമവര്‍മ്മ അധ്യക്ഷത വഹിക്കും. എ.ഗോപാലകൃഷ്ണന്‍, സി.മോഹനന്‍, കൊയ്യം ജനാര്‍ദ്ദനന്‍, മോഹനന്‍ ആലയില്‍ത്താഴ എന്നിവര്‍ സംസാരിക്കും. പ്രമുഖ അനൗണ്‍സര്‍ കരിവെള്ളൂര്‍ രാജനെ ചടങ്ങില്‍ ആദരിക്കും.