കണ്ണൂര്: നിലവിലുള്ള നൂറുകണക്കിന് ഒഴിവ് നികത്താതെ മാനദണ്ഡങ്ങള് അട്ടിമറിച്ച് ജീവനക്കാരെ സ്ഥലം മാറ്റാനുള്ള മാനേജുമെന്റ് നീക്കത്തില് എല്ഐസി ജീവനക്കാരില് പ്രതിഷേധം ശക്തമാകുന്നു. നിര്ബന്ധിത സ്ഥലം മാറ്റം നല്കാനാണ് അധികൃതരുടെ ശ്രമം. ഒഴിവുള്ള തസ്തികകള് നികത്താതെ ജീവനക്കാരെ സ്ഥലം മാറ്റി ഓഫീസുകളുടെ പ്രവര്ത്തനം നടത്തിക്കൊണ്ടു പോകാനാണ് മാനേജുമെന്റ് തീരുമാനം. ഇത് പിന്വലിച്ചില്ളെങ്കില് ശക്തമായ പ്രക്ഷോഭത്തിന് നേതൃത്വം നല്കുമെന്ന് ഭാരവാഹികള് മുന്നറിയിപ്പ് നല്കി. ഈ നീക്കത്തില് നിന്ന് അധികൃതര് പിന്മാറണമെന്നാണ് ജീവനക്കാരുടെ ആവശ്യം. ഈ ആവശ്യമുന്നയിച്ച് എല്ഐസി എംപ്ളോയീസ് യൂനിയന്റെ നേതൃത്വത്തില് ജില്ലയിലെ വിവിധ എല്ഐസി ഓഫീസുകള്ക്ക് മുന്നില് ജീവനക്കാര് പ്രതിഷേധ പ്രകടടനവും വിശദീകരണ യോഗവും നടത്തി.
മട്ടന്നൂരില് നടന്ന വിശദീകരണ യോഗത്തില് കെ.ബാഹുലേയന്, പി.പി.വിജയന്, ഇന്ദുരാഘവന്, കെ.ദിവാകരന്, പി.വി.രസിത എന്നിവര് സംസാരിച്ചു. കണ്ണൂരില് എം.കെ.പ്രേംജിത്ത്, എം.സുധീര്കുമാര്, ജി.ഉത്തമന്, രാജീവന്, മനോഹരന് എന്നിവരും തലശ്ശേരി ബ്രാഞ്ച് ഒന്നില് വി.വിജയകുമാരന്, എം.അനില് കുമാര്, എസ്.രോഹിത്, ബ്രാഞ്ച് രണ്ടില് പി.വി.രാജീവന്, കെ.എം. ജയേന്ദ്രന്, എ.ഡി.പൂര്ണിമ എന്നിവരും തളിപ്പറമ്പില് എന്.അനില് കുമാര്, കെ.ധീരജ്, രാജന് നിരിച്ചന് എന്നിവരും പയ്യന്നൂരില് കെ.രാജീവന്, കെ.വി.വേണു എന്നിവരും സംസാരിച്ചു.
