അടിമാലി : ഇടുക്കിയിലെ വിവിധ പ്രദേശങ്ങളില് ചിത്രീകരണം നടന്ന സിനിമകളെല്ലാം ഹിറ്റായതോടെ അടിമാലിയുടെ സൗന്ദര്യം അഭ്രപാളികളില് പകര്ത്തി വിജയം ആവര്ത്തിക്കാന് സിനിമാസംഘമെത്തി. മൂന്നര പതിറ്റാണ്ടിന് ശേഷം ഉദയാ പിക്ചേഴസിന്റെ ബാനറില് കുഞ്ചാക്കോബോബന് നിര്മ്മിച്ച് അഭിനയിക്കുന്ന കൊച്ചാവ്വ പൗലോ അയ്യപ്പ കൊയ്ലോ എന്ന സിനിമയുടെ ചിത്രീകരണം ഇരുമ്പുപാലത്തിനടത്ത് പത്താം മൈലില് തുടങ്ങി. സിദ്ധാര്ത്ഥ ശിവ സംവിധാനം ചെയ്യുന്ന സിനിമയില് നെടുമുടിവേണു, മുകേഷ്, സുധീഷ്, സുരാജ് വെഞ്ഞാറമ്മൂട്, കുഞ്ഞുമണി എന്നീ മുന്നിരതാരങ്ങളും അഭിനയിയക്കുന്നു. ചിത്രത്തിന്റെ പൂജാചടങ്ങുകളില് പ്രമുഖനിര്മ്മാതാക്കളായ സാബുചെറിയാന് ആന്റോജോസഫ്, ജയ്സണ് ഇളംകുളം ബി രാജേഷ്, വര്ണചിത്രസുബൈര്, കാന്സര് രോഗ വിദ്ഗദന് ഡോ. ഗംഗാധരന് എന്നിവര് പങ്കെടുത്തു. നടന് സുധീഷും മകന് രുദ്രാഷും ഈ സിനിമയില് അഭിനയിക്കുന്നുവെന്ന പ്രത്യേകതയും ഈസിനിമയക്കുണ്ട്. അടിമാലി , ഗോവ,ബോംബൈ, ബാംഗ്ലുര് കൊച്ചി എന്നിവിടങ്ങളില് മൂന്ന് ഷെഡ്യുളുകളായി ആണ് ചിത്രീകരണം. അടിമാലിയിലും പരിസരപ്രദേശങ്ങളിലുമായി 50 ദിവസത്തോളം ചിത്രീകരണമുണ്ടാകുമെന്ന നിര്മ്മാതാവും നടനുമായ കൂഞ്ചാക്കോബോബന് പറഞ്ഞു. ചിത്രം ഓണത്തിന് ചിത്രം തീയേറ്ററുകളില് എത്തിയക്കാന് കഴിയുമെന്നാണ് പ്രതീക്ഷയെന്നും അദ്ദേഹം പറഞ്ഞു.
ഇടുക്കിയില് വീണ്ടും പുത്തന്പടം പിടിക്കുന്നു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.