ഇരിട്ടി: ഇരിട്ടി ടൗണില് നിയന്ത്രണം വിട്ട ലോറി പാഞ്ഞുകയറി ഹോട്ടല് തകര്ന്നു. ഇരിട്ടി മേലേ സ്റ്റാന്റില് പി.സുനില് കുമാറിന്റെ ഉടമസ്ഥതയിലുള്ള റൈസിംഗ് സ്റ്റാര് ഹോട്ടലിലേക്കാണ് ലോറി ഓടിക്കയറിയത്. ചൊവ്വാഴ്ച പുലര്ച്ചെ 1.30തോടെ ആയിരുന്നു അപകടം. കുന്നത്തൂര് സ്വദേശിയുടെ കെഎല് 59 എം 5102 ഐച്ചര് ലോറിയാണ് അപകടത്തില്പ്പെട്ടത്. ഹോട്ടല് പൂട്ടി ഉടമസ്ഥനും തൊഴിലാളികളും വീട്ടിലേക്ക് പോയ സമയത്തായതിനാല് വന് അപകടം ഒഴിവായി. ഇരിട്ടിയില് നിന്നും ഉളിക്കല് ഭാഗത്തേക്ക് പോവുകയായിരുന്ന ലോറി സ്ലാബിനു മുകളിലൂടെ പാഞ്ഞു കയറി ഹോട്ടല് തകര്ത്ത് നില്ക്കുകയായിരുന്നു. ഹോട്ടലിന്റെ ഷട്ടറുകളും കൗണ്ടറും മറ്റും പൂര്ണ്ണമായും ലോറിയുടെ മുന്ഭാഗവും തകര്ന്നു. െ്രെഡവര് ഉറങ്ങിപ്പോയതാവാം അപകട കാരണം എന്ന് സംശയിക്കുന്നു. െ്രെഡവറും മറ്റൊരാളും മാത്രമേ ലോറിയില് ഉണ്ടായിരുന്നുള്ളൂ. രണ്ടുപേരും പരിക്കേല്ക്കാതെ രക്ഷപ്പെട്ടു.
