താമരശ്ശേരി: നിയമസഭാ തെരഞ്ഞെടുപ്പുമായി ബന്ധപ്പെട്ട് കക്ഷിരാഷ്ട്രീയ നിലപാട് സ്വീകരിക്കുന്ന താമരശ്ശേരി രൂപതാ ബിഷപ്പിനെതിരെ പ്രതിഷേധം ശക്തമാകുന്നു. ബിഷപ്പ് റെമീജിയസ് പോള് ഇഞ്ചനാനിയലിനെതിരെയാണ് വിശ്വാസികള്ക്കിടയില് നിന്നും പ്രതിഷേധം ശക്തമാകുന്നത്. ബിഷപ്പിന്റെ കക്ഷിരാഷ്ട്രീയ നിലപാട് മൂലം ഇടവകകളിലും രൂപതയിലും വിദ്വേഷവും ഭിന്നതയും സൃഷ്ടിക്കപ്പെടുന്നുണ്ടെന്നും ആക്ഷേപമുയരുന്നുണ്ട്. പ്രാര്ത്ഥനയ്ക്കും ദൈവാരാധനയ്ക്കും കുദൂശകളുടെപരികര്മ്മത്തിനും, ജീവകാരുണ്യ പ്രവര്ത്തനങ്ങള്ക്കും പ്രവര്ത്തിക്കേണ്ടുന്ന വേദിയെ കക്ഷിരാഷ്ട്രീയത്തിന്റെ പാളയത്തിലേക്ക് കൊണ്ടുപോകുന്ന റെമീജിയസ് പോള് ഇഞ്ചനാനിയുടെ നീക്കം അപകടകരമാണെന്നും അഭിപ്രായമുയരുന്നുണ്ട്. പല സന്ദര്ഭങ്ങളിലും പക്വതയില്ലാത്ത നിലപാടുകള് സ്വീകരിച്ച് സഭയെ കളങ്കപ്പെടുത്തുവാന് ശ്രമിച്ചയാളാണ്. ഇഞ്ചനാനിയെന്നും ആരോപണമുണ്ട്. ചേരിതിരിവിനും മത വിദ്വേഷത്തിനും കാരണമാകുന്ന താരമരശ്ശേരി രൂപതാ ബിഷപ്പിനെതിരെ മേജര് ആര്ച്ച് ബിഷപ്പ് നടപടി സ്വീകരിക്കണമെന്ന് കാത്തലിക് ലേമെന്സ് അസോസിയേഷന് പ്രമേയത്തിലൂടെ ആവശ്യപ്പെട്ടു.
യോഗത്തില് വിന്സന്റ് മാത്യു അധ്യക്ഷത വഹിച്ചു. പ്രൊഫ. ജോയി മൈക്കിള്, എം.എല്. ജോര്ജ്, സജി മാത്യു, വി.എസ്. ചാക്കോ, എന്.ജെ. ജോണ്, ടി.ഒ. വര്ക്കി എന്നിവര് പ്രസംഗിച്ചു.
ക്രിസ്ത്യന് ദേവാലയങ്ങള്ക്ക് സമീപം ബിഷപ്പിന്റെ നിലപാടിനെതിരെ പോസ്റ്ററുകള് പ്രത്യക്ഷപ്പെട്ടിട്ടുണ്ട്.
