കണ്ണൂര്: ഭാരതീയ മെഡിക്കല് ആന്റ് സെയില്സ് റപ്രസന്റേറ്റീവ് അസോസിയേഷന് ബിഎംഎസ്ആര്എ രജത ജൂബിലി സമ്മേളനം 11, 12 തിയ്യതികളില് കണ്ണൂര് പോലീസ് അസോസിയേഷന് ഹാളില് നടക്കും. ആഘോഷത്തിന്റെ സമാപനം കുറിച്ചുകൊണ്ട് ആയിരക്കണക്കിന് തൊഴിലാളികള് പങ്കെടുക്കുന്ന പ്രകടനം 11 ന് വൈകുന്നേരം 4 മണിക്ക് സെന്റ് മൈക്കിള്സ് സ്കൂള് ഗ്രൗണ്ടില് നിന്ന് ആരംഭിക്കും. തുടര്ന്ന് സ്റ്റേഡിയം കോര്ണറില് നടക്കുന്ന പൊതുസമ്മേളനം കേന്ദ്രമന്ത്രി ജെ.പി.നഡ്ഡ ഉദ്ഘാടനം ചെയ്യും. ബിഎംഎസ് സംസ്ഥാന പ്രസിഡണ്ട് കെ.കെ.വിജയകുമാര് മുഖ്യപ്രഭാഷണം നടത്തും. പോലീസ് അസോസിയേഷന് ഹാളില് നടക്കുന്ന പ്രതിനിധി സമ്മേളനം 12 ന് രാവിലെ 10 മണിക്ക് ബിഎംഎസ് അഖിലേന്ത്യാ സെക്രട്ടറി ദ്വരൈരാജ് ഉദ്ഘാടനം ചെയ്യും. ബിഎംഎസ്ആര്എ സംസ്ഥാന അധ്യക്ഷന് പി.എന്.പ്രദീപ് പതാക ഉയര്ത്തും. രാഷ്ട്രീയ സ്വയംസേവക സംഘം പ്രാന്തീയ കാര്യകാരി സദസ്യന് വത്സന് തില്ലങ്കേരി മുഖ്യപ്രഭാഷണം നടത്തും. ബിഎംഎസ്സ്ആര്എം അഖിലേന്ത്യാ അധ്യക്ഷന് കെ.രാംകുമാര്, എന്എഫ്എസ്ആര്യു അഖിലേന്ത്യാ ജനറല് സെക്രട്ടറി എ.പ്രദീപ് റോയ്, എഡബ്ല്യുബിഎന്ആര്യു ട്രഷറര് സുബീര് ബന്ദോപാധ്യായ തുടങ്ങിയവര് സംസാരിക്കും. സമാപന സമ്മേളനം ബിഎംഎസ് സംസ്ഥാന ജനറല് സെക്രട്ടറി എം.പി.രാജീവന് ഉദ്ഘാടനം ചെയ്യും. ബിഎംഎസ്ആര്എ സംസ്ഥാന ജനറല് സെക്രട്ടറി കെ.സുരേഷ് കുമാര്, ഓര്ഗനൈസിംഗ് സെക്രട്ടറി സി.പി.ഗോപീകൃഷ്ണന്, ജനറല് കണ്വീനര് പി.ജയദീപ്, ജോയിന്റ് കണ്വീര് കെ.പി.ജിയേഷ് എന്നിവര് പത്രസമ്മേളനത്തില് പങ്കെടുത്തു.
ബിഎംഎസ്ആര്എ രജത ജൂബിലി സമ്മേളനം 11 മുതല് കണ്ണൂരില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.