തലശേരി: അഞ്ച് നാളുകള് ബ്രണ്ണന് കോളജില് നടന്ന കണ്ണൂര് സര്വ്വകലാശാല കലോത്സവത്തിന് കൊടിയിറങ്ങിയപ്പോള് അഞ്ചാം തവണയും കലാകിരീടം ചൂടി പയ്യന്നൂര് കോളജിന്റെ സര്വാധിപത്യം.
235 പോയിന്റുമായാണ് പയ്യന്നൂര് കോളജ് ഓവറോള് ചാമ്പ്യന്ഷിപ്പ് നിലനിര്ത്തിയത്. പതിനേഴ് വര്ഷത്തെ ചരിത്രമുള്ള കണ്ണൂര് സര്വകലാശാല കലോത്സവത്തില് ആദ്യകാലങ്ങളില് മാറിയും മറിഞ്ഞും പോകാറുള്ള കലാകിരീടം അഞ്ച് വര്ഷവും വിട്ട് കൊടുക്കാത്ത കുതിപ്പിലായിരുന്നു ഇത്തവണയും പയ്യന്നൂര്. ഇത്തവണ ആദ്യദിനം മുതല് മികച്ച മുന്നേറ്റമാണ് പയ്യന്നൂര് കോളജ് കാഴ്ച വെച്ചത്.
178 പോയിന്റുമായി ആതിഥേയരായ ഗവ.ബ്രണ്ണന് കോളജ് രണ്ടാം സ്ഥാനം നേടി. 128 പോയിന്റുമായി മാത്തില് ഗുരുദേവ് ആര്ട്സ് കോളജാണ് മൂന്നാം സ്ഥാനം നേടിയത്. 123 പോയിന്റോടെ കാഞ്ഞങ്ങാട് നെഹ്റു കോളജ് നാലാം സ്ഥാനവും 111 പോയിന്റുമായി തളിപ്പറമ്പ് സര്സയ്യിദ് കോളജ് അഞ്ചാം സ്ഥാനവും നേടി.
സമാപന സമ്മേളനത്തില് യൂണിയന് ചെയര്മാന് ദിഷ്ണ പ്രസാദ് അധ്യക്ഷത വഹിച്ചു. കെ.കെ.നാരായണന് എംഎല്എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് സമ്മാനദാനം നടത്തി. കെ.കെ.രാജീവന്, ഡോ.എസ്.പ്രദീപ് കുമാര്, പ്രൊഫ.കെ.നാരായണന്, കെ.പി.മുഹമ്മദ്, ഡോ.പി.എം.ഇസ്മായില്, ഡോ.എ.വല്സലന്, ഡോ.പി.പി.ജയകുമാര്, മുഹമ്മദ് അഫ്സല്, ഇ.കെ.അനുരാഗ് എന്നിവര് സംസാരിച്ചു. എം.വി.രതീഷ് സ്വാഗതവും കെ.ശരത് നന്ദിയും പറഞ്ഞു.
