ആലപ്പുഴ: പുന്നപ്ര എന്എസ്എസ് യുപി സ്കൂളിന്റെ നേതൃത്വത്തില് നടപ്പാക്കിയ സ്നേഹസ്പര്ശം പദ്ധതിയുടെ റിപ്പോര്ട്ട് സമര്പ്പണം ഇന്ന്. കുട്ടികളുടെ പഠന നിലവാരം മെച്ചപ്പെടുത്തുന്നതിനും അവരുടെ വീടുകളിലെ അന്തരീക്ഷം സൗഹാര്ദ്ദപരമാക്കുന്നതിനുമാണ് കുട്ടികളിലൂടെ കുടുംബങ്ങളിലേക്ക്, കുടുംബങ്ങിലൂടെ സമൂഹത്തിലേക്ക് എന്ന പദ്ധതി നടപ്പാക്കിയതെന്ന പ്രഥമ അദ്ധ്യാപിക പി.ഒ. സുമാദേവി പത്രസമ്മേനത്തില് അറിയിച്ചു.
സ്കൂളില് അഞ്ച്, ആറ്, ഏഴ് ക്ലാസുകളിലായി 746 കുട്ടികളാണ് പഠിക്കുന്നത്. ഇതില് പുന്നപ്ര തെക്കുപഞ്ചായത്തില്പ്പെടുന്ന 638 വിദ്യാര്ത്ഥികളുടെ വീടുകളില് അദ്ധ്യാപകരുടെയും പിടിഎയുടെയും നേതൃത്വത്തിലുള്ള സ്ക്വാഡ് സര്വ്വേ നടത്തി. ഇതിന്റെ അടിസ്ഥാനത്തില് തുടര്നടപടികള് സ്വീകരിക്കാനുള്ള ശ്രമത്തിലാണ് സ്കൂള് അധികൃതര്.
സ്കൂള് വാര്ഷികാഘോഷത്തിന്റെ ഭാഗമായി നടക്കുന്ന സമ്മേളനത്തില് നാളെ ജി. സുധാകരന് എംഎല്എയ്ക്ക് പിടിഎ പ്രസിഡന്റ് സി.എ. സലീം പ്രോജക്ട് റിപ്പോര്ട്ട് സമര്പ്പിക്കും. പുന്നപ്ര തെക്ക് ഗ്രാമപഞ്ചായത്തുമായി സഹകരിച്ച് കൂടൂതല് പദ്ധതികള് നടപ്പാക്കുമെന്നും പ്രഥമ അദ്ധ്യാപിക പറഞ്ഞു. മാനേജര് കെ. പ്രസന്നകുമാര്, ഡോ. ചന്ദ്രമതി, എം.പി. വിജയലക്ഷ്മി, സി.എ. സലീം, എ. നാസര് എന്നിവര് പത്രസമ്മേളനത്തില് പങ്കെടുത്തു.
