തുറവൂര്: അമോണിയം ചോര്ച്ചയെത്തുടര്ന്ന് ശ്വാസ തടസമനുഭവപ്പെട്ട് ചികിത്സ തേടിയവര്ക്ക് സഹായമെത്തിക്കാന് ബന്ധപ്പെട്ടവര് തയാറായില്ലെന്ന് ആക്ഷേപം. ചാവടിയിലെ സ്വകാര്യ ഫ്രീസിംഗ് പ്ലാന്റില് തിങ്കളാഴ്ച വൈകിട്ടായിരുന്നു വാതകം ചോര്ന്നത്.
ഇതിന്റെ ഫലമായി പ്രദേശവാസികളില് പലര്ക്കും ശ്വാസതടസവും അസ്വസ്ഥതകളും അനുഭവപ്പെട്ടു. ചേര്ത്തലയില് നിന്ന് രണ്ട് യൂണിറ്റ് അഗ്നിശമനസേന സ്ഥലത്തെത്തി വാല്വ് അടച്ച് സ്ഥലം വിട്ടതല്ലാതെ അസ്വസ്ഥതകള് അനുഭവപ്പെട്ടവര്ക്ക് പ്രഥമ ശുശ്രൂഷ നല്കാനോ അവരെ ആശുപത്രിയില് എത്തിക്കാനോ തയാറായില്ലെന്നാ ആക്ഷേപം നിലനില്ക്കുന്നു. ചാവടി കളത്തിപ്പറമ്പില് മനാഫിന്റെ മകന് അമീര് സുഖൈല്(11) ഇപ്പോഴും തുറവൂര് താലൂക്കാശുപത്രിയില് ചികിത്സയിലാണ്.
സംഭവസ്ഥലത്തെിയ കുത്തിയതോട് പോലീസ് നിരുത്തരവാദപരമായ നിലപാടുകളാണ് സ്വീകരിച്ചതെന്നും പരാതിയുണ്ട്. മേഖലയിലെ പ്ലാന്റുകളില് പതിവായുണ്ടാകുന്ന വാതകചോര്ച്ച തടയാന് നടപടി സ്വീകരിക്കണമെന്നും ആവശ്യമുയരുന്നു.
