കോഴിക്കോട്: ജില്ലയിലെ പാഴ്വസ്തുക്കള് ശേഖരിക്കുന്ന വ്യക്തികള്, വ്യാപാരികള്, എന്നിവര്ക്കായി ജില്ലാ ശുചിത്വമിഷന് രജിസ്ട്രേഷന് ആരംഭിക്കുന്നു.ജില്ലയിലെ തദ്ദേശ സ്വയംഭരണസ്ഥാപനങ്ങള്,റസിഡന്റ്സ് അസോസിയേഷനുകള് എന്നിവയുടെ സഹകരണത്തോടെ നടത്തുന്ന പാഴ്വസ്തു പരിചരണപദ്ധതിയുടെ ഭാഗമായാണ് രജിസ്ട്രേഷന് ഏര്പ്പെടുത്തുന്നത്.
ഖരമാലിന്യസംസ്കരണ പദ്ധതിയുമായി ബന്ധിപ്പിച്ച് പ്രവര്ത്തനങ്ങള് പ്രോത്സാഹിപ്പിക്കുകയാണ് ലക്ഷ്യം. പ്ലാസ്റ്റിക് ഉള്പ്പെടെയുള്ള ഖരമാലിന്യങ്ങള് ശേഖരിക്കുന്നതിനും സംസ്കരിക്കുന്നതിനും ഗ്രാമപഞ്ചായത്ത്തല പ്രവര്ത്തനങ്ങള് അപര്യാപ്തമായതിനാലാണ് പുതിയരീതി പരീക്ഷിക്കുന്നത്. വരുന്നുണ്ട്.വൃത്തിയും വെടിപ്പുമുള്ള പ്ലാസ്റ്റിക്കുകള് ശേഖരിച്ചു കൈമാറ്റം ചെയ്യുന്നതിന്റെ ഭാഗമായി റസിഡന്റ്സ് അസോസിയേഷനുകളെയും തദ്ദേശ സ്വയംഭരണസ്ഥാപനങ്ങളെയും സജ്ജമാക്കുക എന്ന പ്രവര്ത്തനത്തിനാണ് ശുചിത്വമിഷന് ലക്ഷ്യമിടുന്നത്.സര്ക്കാര് സഹായമില്ലാതെ പ്രവര്ത്തിച്ചുവരുന്ന പാഴ്വസ്തു കച്ചവടക്കാരാണ് പ്ലാസ്റ്റിക് മാലിന്യങ്ങളെ പുനരുപയോഗമുള്ള ഉല്പന്നങ്ങളാക്കി മാറ്റുന്നതിന് മുഖ്യപങ്കു വഹിക്കുന്നത്.സമൂഹത്തില് അര്ഹമായ പരിഗണന നല്കി പാഴ്വസ്തു ജില്ലയിലെ മുഴുവന് പാഴ്വസ്തു വ്യാപാരികളും വ്യക്തികളും അവസരം പ്രയോജനപ്പെടുത്തി രജിസ്ട്രേഷന് നടപടികളുമായി സഹകരിക്കണമെന്ന് ജില്ലാ ശുചിത്വമിഷന് കോ-ഓര്ഡിനേറ്റര് അറിയിച്ചു.രജിസ്ട്രേഷന് നടത്തേണ്ട അവസാന തീയതി ഫെബ്രുവരി 20. വിവരങ്ങള്ക്ക് ഫോണ് നമ്പര്: 04952370677
