താമരശ്ശേരി: മലയോര മേഖലയുടെ സമഗ്ര വിവരങ്ങള് ഉള്പ്പെടുത്തി മൊബൈല് സോഫ്റ്റ്വെയര് തയ്യാറാവുന്നു. സര്ക്കാര് സ്ഥാപനങ്ങള് സ്കൂള്-കോളേജ്-യൂണിവേഴ്സിറ്റി മറ്റു ഉന്നത വിദ്യാഭ്യാസ കേന്ദ്രങ്ങള്, ഗ്രാമപഞ്ചായത്ത്, ജനപ്രതിനിധികള്,മന്ത്രിമാര്, പോലീസ്-ആംബുലന്സ്, കെഎസ്ആര്ടിസി-ട്രെയിന്-എയര്ലൈന് മറ്റു പൊതു ഫോണ് നമ്പറുകള്, ധനകാര്യ- വ്യാപാര- വ്യവസായ സ്ഥാപനങ്ങള്, ടൂറിസ്റ്റ് കേന്ദ്രങ്ങള് തുടങ്ങിയ വിവരങ്ങളാണ് താമരശ്ശേരി ഇന്ഫൊ എന്ന പേരിലുള്ള മൊബൈല് സോഫ്റ്റ്വെയറില് ഉള്ക്കൊള്ളിച്ചിട്ടുള്ളത്. കൂടാതെ കോഴിക്കോട് ജില്ലയിലെ എല്ലാ ആശുപത്രികളുടെയും വിവിധ വകുപ്പുകളിലെ ആയിരത്തിലധികം ഡോക്ടര്മാരുടെയും വിവരങ്ങളും ഇതില് ഉള്കൊള്ളിച്ചിട്ടുണ്ട്.
താമരശ്ശേരി കേന്ദ്രീകരിച്ച് പ്രവര്ത്തിക്കുന്ന സോഷ്യല് വെല്ഫെയര് സൊസൈറ്റിയുടെ ആഭിമുഖ്യത്തിലാണ് ആന്ഡ്രോയിഡ് മൊബൈല് സോഫ്റ്റ്വെയര് വികസിപ്പിക്കുന്നത്. സോഫ്റ്റ് വെയര് എഞ്ചിനീയറായ ഇഖ്ബാല് തലയാട് ആണ് ഇതിന്റെ രൂപകല്പന നിര്വ്വഹിച്ചിരിക്കുന്നത്. സൗജന്യമായി പ്ലേ സ്റ്റോറില് നിന്ന് ഡൗണ്ലോഡ് ചെയ്ത് എളുപ്പത്തില് ഉപയോഗിക്കാവുന്നതാണ് ഈ സോഫ്റ്റ്വെയര്. ഡമൊ വേര്ഷന് പ്ലെ സ്റ്റോറില് ഇപ്പോള് ലഭ്യമാണ്. ഒരു പ്രാവശ്യം മൊബൈല് ഫോണില് ഡൗണ്ലോഡ് ചെയ്താല് പിന്നെ ഇന്റര്നെറ്റ് ഇല്ലാതെ ഓഫ് ലൈനായി പ്രവര്ത്തിക്കുന്ന രൂപത്തിലാണ് അപ്ലിക്കേഷന് രൂപ കല്പന ചെയ്തിരിക്കുന്നത്. മൊബൈല് സോഫ്റ്റ് വെയറിന്റെ ഡമോ പതിപ്പിന്റെ പ്രകാശനം സി.മോയിന്കുട്ടി എം.എല്എ നിര്വ്വഹിച്ചു. ഈ സോഫ്റ്റ് വെയറിലേക്ക് വിവരങ്ങള് നല്കാന് താല്പര്യമുള്ളവര് ംെേൈ്യ@ഴാമശഹ.രീാ എന്ന മെയില് അഡ്രസ്സില് അയക്കണമെന്ന് പ്രൊജക്ട് ഡയറക്ടര് ഉസ്മാന്.പി ചെമ്പ്ര അറിയിച്ചു.
