കോഴിക്കോട്: കാവും മലയും നീര്ത്തടങ്ങളും സംരക്ഷിക്കാന് ഒരു നാടിന്റെ കയ്യൊപ്പ്. തലക്കുളത്തൂര് എടക്കര വള്ളിക്കാട്ട് കാവിനെ സംരക്ഷിക്കാനും എലിയോടു മലയില് നടക്കുന്ന വന്ഖനനം അവസാനിപ്പിക്കാനുമായി വള്ളിക്കാട്ട് കാവ് പ്രകൃതി സംരക്ഷണസമിതി ‘കാടും നീരൊഴുക്കും, ജൈവ വൈവിധ്യവും സംരക്ഷിക്കാന് എന്റെ ഒരു കയ്യൊപ്പ്’ എന്ന പേരില് ഒപ്പുശേഖരണം നടത്തി.
പ്രൊഫ. ടി. ശോഭീന്ദ്രന് ഉദ്ഘാടനം ചെയ്തു. ആര്എസ്എസ് പ്രാന്തകാര്യവാഹ് പി. ഗോപാലന്കുട്ടി മാസ്റ്റര് ബിജെപി ജില്ലാ പ്രസിഡന്റ് ടി.പി. ജയചന്ദ്രന് മാസ്റ്റര്, പരിസ്ഥിതി സംഘടനാ പ്രവര്ത്തകരായ മോഹനന്, ദിനകരന്, സാജന് ആന്ഡ്രൂസ്, ബ്ലോക്ക് പഞ്ചായത്ത് അംഗം സീന സുരേഷ്, ഗ്രാമപഞ്ചായത്തംഗം ജയന്തി, ഗിരീഷ് ആമ്പ്ര, എന്.ടി.യു സംസ്ഥാ ന പ്രസിഡന്റ് ടി.എ. നാരായണന് മാസ്റ്റര്, എം. സുനില് മാസ്റ്റര് എന്നിവര് സംസാരിച്ചു.
