കൊട്ടാക്കര: സ്കൂളില് അധ്യാപകരില്ലാത്തതിനാല് നാട്ടുകാര് ഡിഡിഇയെ ഉപരോധിച്ചു. പരീക്ഷ പടിവാതില്ക്കല് എത്തിയിട്ടും ക്ലാസ് എടുക്കാന് അധ്യാപകരില്ലാത്തതില് പ്രതിഷേധിച്ച് ചക്കുവരയ്ക്കല് ഗവ.സ്കൂളിലെ പിടിഎയും നാട്ടുകാരും ചേര്ന്നാണ് കൊല്ലം വിദ്യാഭ്യാസഉപഡയറക്ടറെ ഉപരോധിച്ചത്. ഇന്നലെ ഉച്ചക്ക് 12ന് കൊട്ടാരക്കര ബോയ്സ് ഹയര്സെക്കണ്ടറി സ്കൂളില് എത്തിയ ഡിഡിഇയെയാണ് ഉപരോധിച്ചത്. ഹൈസ്കൂള്വിഭാഗത്തില് നൂറിലധികം കുട്ടികള് പഠിക്കുന്ന ഇവിടെ ആകെ ഉള്ളത് പ്രധാനധ്യാപകന് മാത്രമാണ്. അധ്യയനവര്ഷാരംഭത്തില് ആറ് അധ്യാപകരാണ് ഇവിടെ ഉണ്ടായിരുന്നുത്. ഇതില് മൂന്നുപേരെ ജനുവരി ആദ്യവും മറ്റുള്ളവരെ അവസാനവും സ്ഥലംമാറ്റി. ഇതോടെ അധ്യാപകരില്ലാത്ത സ്ഥിതിയായി. കഴിഞ്ഞ എസ്എസ്എല്സി പരീക്ഷയില് നൂറ്ശതമാനം വിജയംനേടിയ സ്കൂളിനാണ് ഈ ഗതികേട്. അധ്യാപകരെ അധ്യയനവര്ഷം ആരംഭിച്ച് ശേഷം സ്ഥലംമാറ്റുന്നതാണ് പ്രശ്നത്തിന് ഇടയാക്കിയത്. ഉപരോധ സമരത്തെ തുടര്ന്ന് അധ്യാപകരെ വെള്ളിയാഴ്ച നിയമിക്കുമെന്ന് ഡിഡിഇ വത്സല ഉറപ്പ് നല്കിയതോടെയാണ് സമരം അവസാനിച്ചത്. ബ്ലോക്ക്മെമ്പര് ഷൈന്പ്രഭ, പിറ്റിഎ പ്രസിഡന്റ് സുരേഷ്ബാബു,ജെ. വിനോദ്, മൊട്ടകുന്നില് രവീന്ദ്രന്, ക്ലമന്സിയ, പ്രസന്ന എന്നിവര് നേതൃത്വം നല്കി.
അധ്യാപകഅഭാവം; ഡിഡിഇയെ ഉപരോധിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.