ഇരിട്ടി: ഉളിക്കല് ഹയര്സെക്കന്ഡറി സ്കൂളിനു മന്ത്രി കെ.സി.ജോസഫിന്റെ ആസ്തി വികസന ഫണ്ടില് നിന്നും അനുവദിച്ച 50 ലക്ഷം രൂപ ഉപയോഗിച്ച് നിര്മ്മിച്ച കെട്ടിടത്തിന്റെ ഉദ്ഘാടനം 4ന് വ്യാഴാഴ്ച മന്ത്രി കെ.സി. ജോസഫ് നിര്വഹിക്കുമെന്ന് ഭാരവാഹികള് പത്ര സമ്മേളനത്തില് അറിയിച്ചു. രാവിലെ 9.30ന് നടക്കുന്ന ചടങ്ങില് ജില്ലാ പഞ്ചായത്ത് വൈസ് പ്രസിഡന്റ് പി.പി. ദിവ്യ അദ്ധ്യക്ഷത വഹിക്കും. പ്രധാനാദ്ധ്യാപകന് എം.കെ. രമേഷ് കുമാര് റിപ്പോര്ട്ട് അവതരിപ്പിക്കും. തുടര്ന്ന് സ്കൂളില് നിന്നും വിരമിക്കുന്ന കെ.ടി. ഗ്രേസി ടീച്ചറുടെ യാത്രയയപ്പും കേരളാ സ്കൂള് കലോത്സവത്തിലും കായിക മേളയിലും ഉന്നത വിജയം നേടിയ വിദ്യാര്ഥികള്ക്കുള്ള അനുമോദന സമ്മേളനവും നടക്കും. ഇതിന്റെ ഉദ്ഘാടനം ഉളിക്കല് ഗ്രാമ പഞ്ചായത്ത് പ്രസിഡന്റ് ഷേര്ളി അലക്സാണ്ടര് ഉദ്ഘാടനം ചെയ്യും. പി.കെ.ശ്രീമതി എംപി സ്കൂളിന് അനുവദിച്ച കമ്പ്യൂട്ടറിന്റെ വിതരാണോദ്ഘാടനം കെ. വി. സുമേഷ് നിര്വഹിക്കും. തളിപ്പറമ്പ് ഡിഇഒ കെ.പി.വാസു മുഖ്യഭാഷണവും തോമസ് വര്ഗ്ഗീസ് സമ്മാനദാനവും നിര്വഹിക്കും. വിവിധ നേതാക്കള് പ്രസംഗിക്കും.
പത്ര സമ്മേളനത്തില് ഹയര്സെക്കന്ഡറി സ്കൂള് പ്രിന്സിപ്പാള് പി.പി.ലാലി, പ്രധാനാദ്ധ്യാപകന് എം.കെ.രമേശ്കുമാര്, പിടിഎ പ്രസിഡന്റ് പി.കെ.ശശി, കെ.വേണു, കെ.പി.ബാബു, രഘുതോപ്പില് എന്നിവര് പങ്കെടുത്തു.
